Zeinet jasyna taqaǵan adamdardy jumysqa ornalastyrý úshin «kúmis jas» jobasy iske asyrylady. Bul týraly Ortalyq kommýnikatsiialar qyzmetindegi baspas máslihatynda QR Ulttyq ekonomika ministri Áset Erǵaliev aitty, dep habarlaidy QazAqparat tilshisi.
Ministrdiń atap ótýinshe, Kásipkerlikti damytý jónindegi ulttyq joba kásipkerlik belsendilikti arttyrýǵa, kásipkerlerdiń ósýin jedeldetýge jáne jańa taýashalardy qurýǵa, sondai-aq básekelestikti keshendi damytýǵa baǵyttalǵan. Bul baǵytty iske asyrý aiasynda 10 tapsyrma, 30 kórsetkish pen 69 is-shara kózdelgen.
«Ulttyq jobany qarjylandyrýdyń jalpy kólemi shamamen 8,5 trln teńge, onyń ishinde, respýblikalyq biýdjetten 1 trln teńgeden asa, jergilikti biýdjetten 125 mlrd teńge qarjy qarastyrylǵan. Sonymen qatar, 7,3 trln teńge somasyna jeke investitsiia tartý qamtamasyz etiledi», - dedi ol.
Onyń atap ótýinshe, ulttyq jobanyń «Kásipkerlik belsendilikti arttyrý» baǵyty aýqymynda kásipkerlik qurylymynda sapaly ózgeristerdi qamtamasyz etý kózdeledi. Óz isin ashý úshin, onyń ishinde «Bastaý Biznes» jobasy aiasynda jaǵdai jasaý boiynsha is-sharalar qabyldanady. Iskerlik bailanystardy keńeitý maqsatynda sheteldik biznes-taǵylymdamalar uiymdastyrý kózdeledi.
«Sonymen birge, jumyssyzdardy qamtý maqsatynda «Túlekterge arnalǵan jastar praktikasy», «Áleýmettik osal toptarǵa arnalǵan áleýmettik jumys oryndary» siiaqty jobalar, sondai-aq zeinetkerlik jas aldyndaǵy adamdardy jumysqa ornalastyrý úshin «kúmis jas» jobasy iske asyrylady. Barlyq is-sharalardy qabyldaý nátijesinde jeke isin ashqan adamdardyń úlesi 1,7 esege artady. Sýbsidiialanatyn jumys oryndarynan keiin turaqty jumys oryndaryna jumysqa ornalastyrylǵan adamdardyń úlesi 1,4 ese ósedi. Qarjylyq emes qoldaý is-sharalaryn alǵan kásipkerlik sýbektileriniń sany 638 myń birlikke jetedi. Qysqa merzimdi kásiptik oqýdan keiin jumysqa ornalastyrý deńgeii 55-ten 80 paiyzǵa deiin artady», - dedi Áset Erǵaliev.
