Atom elektr stantsiiasy Almaty oblysy Jambyl aýdany Úlken aýyly mańynda salynady. Bul týraly energetika ministri Bolat Aqsholaqov aitty, dep habarlaidy QazAqparat.
«Qazaqstan boiynsha seismikalyq aimaqtardy anyqtaý úshin jyldar boiy uzaq zertteý júrgizdik. Nátijesinde atom stantsiiasynyń ornalasatyn jerin anyqtadyq. Ol – Almaty oblysyndaǵy Úlken aýylynyń aimaǵy», - dedi ministr.
Bolat Aqsholaqovtyń sózinshe, Balqash kóliniń aýdany geologiia, sý resýrstary jáne klimattyq jaǵdailardy eskere otyryp tańdalǵan.
«Qazir zertteý jumystary bastalyp ketti. Bul qurylys erteń bastalady degen sóz emes. Jyl sońyna deiin AES qurylysyna qatysty birqatar zertteýler júrgizý qajet. Olar geologiiamen, sýmen, ekologiiamen bailanysty. Qazir túrli tehnologiia qarastyrylyp jatyr. Onyń ishinde frantsiialyq, reseilik, japondyq, qytailyq, ońtústikkoreialyq reaktorlar bar», - dep naqtylady ministr.
Ol ázirge joba quny belgisiz ekenin atap ótti.
Aitýynsha, ádette atom elektr stantsiiasynyń qurylysy on jylǵa sozylady.
