Almaty oblysynyń Qarasai aýdanynda Aqsai ózeniniń jaǵalaýyn sý shaiyp, jerdiń opyrylýyna bailanysty jergilikti deńgeidegi tótenshe jaǵdai jariialandy, dep habarlaidy ult.kz.
Oblys ákimdiginiń málimetinshe, oqiǵa 2 shilde kúni tańǵy saǵat 06:50 shamasynda Jańaturmys aýylyndaǵy "Aqsai kareri" JShS aýmaǵynda bolǵan. Aqsai ózeni jaǵalaýdy shaiyp, karerdiń soltústik-batys bóliginde topyraq syrǵyǵan.
Qaýipsizdik maqsatynda jaqyn mańdaǵy 9 jeke turǵyn úidiń turǵyndary ýaqytsha qaýipsiz jerge kóshirildi.
Qazir oqiǵa ornynda injenerlik jáne qalpyna keltirý jumystary júrgizilýde. Jumysqa 19 maman men 14 arnaiy tehnika jumyldyrylǵan.
Ákimdik Qarasai aýdanynda jergilikti deńgeidegi tótenshe jaǵdai jariialanǵanyn málimdedi. Bul sheshim apat saldaryn joiý jumystaryn jedel uiymdastyryp, tiisti qyzmetterdiń jumysyn tiimdi úilestirýge múmkindik beredi.
Oblys ákimdigi Almaty oblysynyń ózge aýdandaryndaǵy jaǵdai turaqty ekenin atap ótti.
Sondai-aq turǵyndarǵa sabyr saqtap, ýákiletti organdardyń nusqaýlaryn oryndaýǵa jáne tek resmi aqparat kózderine senýge shaqyrý jasaldy.
