Ýkraina prezidenti Vladimir Zelenskii búkil elde áskeri jaǵdai jariialanǵanyn málimdedi, - dep habarlaidy Tengrinews.kz.
Bul týraly Ýkraina basshysy Donbassta Reseidiń arnaiy áskeri operatsiiasy bastalǵannan keiin Instagram áleýmettik jelisindegi video úndeýinde aitty.
"Búkil el aýmaǵynda áskeri jaǵdai jariialaimyz. Bir minýt buryn men prezident Baidenmen sóilestim. AQSh halyqaralyq qoldaýdy jinai bastady. Biz tynyshtyq saqtaýymyz qajet. Múmkindiginshe, úide bolyńyzdar. Ýkrainanyń barlyq qaýipsizdik jáne qorǵanys sektory jumys isteidi. Dúrbeleń týǵyzbaiyq. Bárine daiynbyz jáne bárin jeńemiz. Óitkeni biz - Ýkrainamyz", - dedi Zelenskii video úndeýinde.
Sondai-aq, saiasatker Reseidi eldiń áskeri infraqurylymyna soqqy berdi dep aiyptap, Qaýipsizdik keńesiniń shuǵyl otyrysyn shaqyrý týraly sheshim qabyldaǵan.
Aita keteiik, búgin Resei prezidenti Vladimir Pýtin Donbassta arnaiy áskeri operatsiia ótetinin málimdedi. Sonymen qatar ol Reseidiń josparynda Ýkrainany basyp alý maqsaty joqtyǵyn aitty.
