Foto: Gettyimages.ru
Ýkraina prezidenti Vladimir Zelenskii Reseidi Zaporoje atom elektr stantsiiasynda (AES) terakt daiyndap jatyr dep aiyptady. AES Resei okkýpatsiialap alǵan Zaporoje oblysyndaǵy Energodar qalasynda ornalasqan.
Zelenskii "terrorlyq akt" daiyndap jatqany týraly ýkrain barlaý qyzmeti málimet bergenin 22 maýsymdaǵy videoúndeýinde aitty.
"Radiatsiianyń memlekettik shekarasy joq ekenin taǵy aitamyn. Onyń qai jaqqa taraitynyn jel baǵyty anyqtaidy. Bizdegi málimetti barlyq odaqtasymyzben bólisemiz", - dedi ýkrain prezidenti.
Kremldiń resmi ókili muny kezekti "ótirik" dep atady. Resei prezidentiniń baspasóz hatshysy Dmitrii Peskov jaqynda ǵana MAGATE ókilderi sol jerge barǵanyn, olar AES isin joǵary baǵalaǵanyn atap ótti.
MAGATE bas direktory Rafael Grossi Ýkrainadaǵy AES-ke 15 maýsymda barǵan. Onyń sapary Kahovka SES-niń jarylýy elektr stantsiiaǵa qalai áser etkenin baǵalaý maqsatyn kózdegen. Óitkeni jarylystan keiingi jaǵdai stantsiia úshin qaýipti ekeni aitylǵan.
Aita keteiik, 6 maýsymǵa qaraǵan túni Kahovka SES-niń dambasy jarylyp, Herson oblysynyń birqatar eldi mekenin sý basty. 30-ǵa jýyq adam qaitys bolyp, myńdaǵan turǵyn qaýipsiz aimaqqa kóshirilgen. Kiev pen Máskeý oqiǵaǵa birin-biri aiyptady.
