Ýkraina prezidenti Vladimir Zelenskii Resei prezidenti Vladimir Pýtinge qońyraý shalyp, odan Donbasstaǵy separatistermen sóilesýdi ótingen, dep habarlaidy Azattyq.
Bul týraly Zelenskii Ýkraina áskerilerimen ótken jinalystan keiin málimdedi. Bul jiyndy Zelenskii eldiń shyǵysyndaǵy jaǵdai ýshyqqan sátte ótkizdi. 6 tamyzda separatister qolynan ýkrainalyq tórt áskeri mert boldy.
«Tańerteń Pýtinmen sóilestim, ýkrainalyq áskerilerdiń ólimi eki eldi beibitshilikke jaqyndatpaityn aittym. Pýtinnen separatistermen sóilesip, olarǵa bizdiń adamdardy óltirýdi toqtatýdy eskertýin suradym» dedi Zelenskii. Ýkraina prezidentiniń sózin «RBK Ýkraina» saity jariialady.
21 maýsymda Ýkraina shyǵysynda kezekti ret bitim jariialanǵan. Biraq eki tarap bir-birin bitim sharttaryn buzdy dep aiyptaidy. Ýkraina shyǵysyndaǵy jaǵdaidyń qiyndaýyna bailanysty Zelenskii Túrkiiaǵa saparyn keiinge shegerýi múmkin. Ol Frantsiia prezidenti Emmanýel Makron jáne Germaniia kantsleri Angela Merkelmen Donbass kelissózin talqylaitynyn habarlady.
Kreml Zelenskii men Pýtinniń telefonmen sóileskenine jaily málimdeme jasaǵan joq.
Ýkraina shyǵysyndaǵy qaqtyǵystan 2014 jyldan beri 13 myń adam mert boldy. Ýkrainanyń Donetsk jáne Lýgansk aimaǵyn Resei qoldaityn separatister baqylaýda ustap otyr.
