Resei AQSh-ty Ýkrainamen aradaǵy jaǵdaidy ýshyqtyrmaitynyna sendirdi. Bul jóninde jeltoqsannyń 9-y Aq úi basshysy Djo Baidenmen sóileskennen keiin Ýkraina prezidenti Vladimir Zelenskii aitty, dep habarlaidy Azattyq.
Ýkraina prezidenti juma kúni "1+1" telearnasynyń efirinde "menińshe, bul az da bolsa nátije" dedi .
Zelenskii suqbatynda Resei prezidenti Vladimir Pýtinmen tikelei kelissózge otyrý múmkindigin de joqqa shyǵarmady jáne bul másele jóninde Eýropa odaǵy men AQSh qoldaitynyn atap ótti.
Jeltoqsannyń ony, juma kúni Resei SIM "Qaýipsizdikke kepildik berý jóninde AQSh pen Batystyń ózge de elderimen dialog" týraly málimdemesin jariialady. Buǵan deiin mundai kepildik máselesi 7 jeltoqsanda Baiden men Pýtinniń eki saǵatqa sozylǵan telefon áńgimesinde sóz bolǵan. Resei Ýkraina NATO-ǵa múshe bolyp kete me dep alańdaidy.
"Resei qaýipsizdigin qamtamasyz etý máseleleri jóninde prezident Baiden dialogqa daiyn ekenin bildirdi. Keiingi kúnderi bizdiń ustanymymyz týraly alyp-qashpa boljamdar kóbeiip jatyr", - deidi Resei SIM. Vedomstvo "máseleni Máskeýdiń ýshyqtyryp jatqany jaily boljamdar múlde qisynsyz" dedi.
"NATO-ǵa tartylatyn bolsa, Ýkrainada soqqy jasaityn zymyran keshenderi paida bolýy múmkin. Mundai jaýapsyz áreketter áskeri ahýaldy shielenistirip, tipti Eýropada óte aýqymdy janjal týǵyzýǵa deiin jetýi múmkin", - deidi Resei syrtqy ister ministrligi.
Máskeý "Ýkrainanyń NATO-ǵa múshe bolý máselesi Kiev pen NATO-nyń ǵana sharýasy" degen tujyrymdarmen kelispeidi. "2008 jyly Býharestte ótken NATO sammitiniń "Ýkraina men Grýziia NATO múshesi bolady" degen sheshimin Eýropadaǵy qaýipsizdik úshin joiý kerek. Bul sheshim Eýropadaǵy qaýipsizdik pen yntymaqtastyq uiymyna qatysýshy memleketterdiń mindettemelerine qaishy", - deidi Resei syrtqy ister ministrligi.
NATO-nyń bas hatshysy Iens Stoltenberg Ýkrainanyń Transatlantikalyq aliansqa qosylýyna jol bermeý jónindegi Reseidiń 10 jeltoqsandaǵy talabyn qaitaryp tastaǵan deidi "Amerika daýysy". Germaniia kantsleri Olaf Sholtspen birge baspasóz konferentsiiasyn ótkizgen kezde Stoltenberg "NATO-nyń Ýkrainamen qalai qarym-qatynas jasaitynyn NATO-nyń 30 múshesi men Ýkrainanyń ózi ǵana sheshedi" degen edi.
AQSh pen Ýkraina prezidentteriniń telefon áńgimesinen keiin AQ úi de osyndai ustanymyn ańǵartqan.
