رەسەي اقش-تى ۋكراينامەن اراداعى جاعدايدى ۋشىقتىرمايتىنىنا سەندٸردٸ. بۇل جٶنٸندە جەلتوقساننىڭ 9-ى اق ٷي باسشىسى دجو بايدەنمەن سٶيلەسكەننەن كەيٸن ۋكراينا پرەزيدەنتٸ ۆلاديمير زەلەنسكيي ايتتى, دەپ حابارلايدى ازاتتىق.
ۋكراينا پرەزيدەنتٸ جۇما كٷنٸ "1+1" تەلەارناسىنىڭ ەفيرٸندە "مەنٸڭشە, بۇل از دا بولسا نەتيجە" دەدٸ .
زەلەنسكيي سۇقباتىندا رەسەي پرەزيدەنتٸ ۆلاديمير پۋتينمەن تٸكەلەي كەلٸسسٶزگە وتىرۋ مٷمكٸندٸگٸن دە جوققا شىعارمادى جەنە بۇل مەسەلە جٶنٸندە ەۋروپا وداعى مەن اقش قولدايتىنىن اتاپ ٶتتٸ.
جەلتوقساننىڭ ونى, جۇما كٷنٸ رەسەي سٸم "قاۋٸپسٸزدٸككە كەپٸلدٸك بەرۋ جٶنٸندە اقش پەن باتىستىڭ ٶزگە دە ەلدەرٸمەن ديالوگ" تۋرالى مەلٸمدەمەسٸن جارييالادى. بۇعان دەيٸن مۇنداي كەپٸلدٸك مەسەلەسٸ 7 جەلتوقساندا بايدەن مەن پۋتيننٸڭ ەكٸ ساعاتقا سوزىلعان تەلەفون ەڭگٸمەسٸندە سٶز بولعان. رەسەي ۋكراينا ناتو-عا مٷشە بولىپ كەتە مە دەپ الاڭدايدى.
"رەسەي قاۋٸپسٸزدٸگٸن قامتاماسىز ەتۋ مەسەلەلەرٸ جٶنٸندە پرەزيدەنت بايدەن ديالوگقا دايىن ەكەنٸن بٸلدٸردٸ. كەيٸنگٸ كٷندەرٸ بٸزدٸڭ ۇستانىمىمىز تۋرالى الىپ-قاشپا بولجامدار كٶبەيٸپ جاتىر", - دەيدٸ رەسەي سٸم. ۆەدومستۆو "مەسەلەنٸ مەسكەۋدٸڭ ۋشىقتىرىپ جاتقانى جايلى بولجامدار مٷلدە قيسىنسىز" دەدٸ.
"ناتو-عا تارتىلاتىن بولسا, ۋكراينادا سوققى جاسايتىن زىمىران كەشەندەرٸ پايدا بولۋى مٷمكٸن. مۇنداي جاۋاپسىز ەرەكەتتەر ەسكەري احۋالدى شيەلەنٸستٸرٸپ, تٸپتٸ ەۋروپادا ٶتە اۋقىمدى جانجال تۋعىزۋعا دەيٸن جەتۋٸ مٷمكٸن", - دەيدٸ رەسەي سىرتقى ٸستەر مينيسترلٸگٸ.
مەسكەۋ "ۋكراينانىڭ ناتو-عا مٷشە بولۋ مەسەلەسٸ كيەۆ پەن ناتو-نىڭ عانا شارۋاسى" دەگەن تۇجىرىمدارمەن كەلٸسپەيدٸ. "2008 جىلى بۋحارەستتە ٶتكەن ناتو سامميتٸنٸڭ "ۋكراينا مەن گرۋزييا ناتو مٷشەسٸ بولادى" دەگەن شەشٸمٸن ەۋروپاداعى قاۋٸپسٸزدٸك ٷشٸن جويۋ كەرەك. بۇل شەشٸم ەۋروپاداعى قاۋٸپسٸزدٸك پەن ىنتىماقتاستىق ۇيىمىنا قاتىسۋشى مەملەكەتتەردٸڭ مٸندەتتەمەلەرٸنە قايشى", - دەيدٸ رەسەي سىرتقى ٸستەر مينيسترلٸگٸ.
ناتو-نىڭ باس حاتشىسى يەنس ستولتەنبەرگ ۋكراينانىڭ ترانساتلانتيكالىق اليانسقا قوسىلۋىنا جول بەرمەۋ جٶنٸندەگٸ رەسەيدٸڭ 10 جەلتوقسانداعى تالابىن قايتارىپ تاستاعان دەيدٸ "امەريكا داۋىسى". گەرمانييا كانتسلەرٸ ولاف شولتسپەن بٸرگە باسپاسٶز كونفەرەنتسيياسىن ٶتكٸزگەن كەزدە ستولتەنبەرگ "ناتو-نىڭ ۋكراينامەن قالاي قارىم-قاتىناس جاسايتىنىن ناتو-نىڭ 30 مٷشەسٸ مەن ۋكراينانىڭ ٶزٸ عانا شەشەدٸ" دەگەن ەدٸ.
اقش پەن ۋكراينا پرەزيدەنتتەرٸنٸڭ تەلەفون ەڭگٸمەسٸنەن كەيٸن اق ٷي دە وسىنداي ۇستانىمىن اڭعارتقان.
