Zelenskii ofshorlar týraly tekseriske qatysty alǵash ret pikir bildirdi

Zelenskii ofshorlar týraly tekseriske qatysty alǵash ret pikir bildirdi


Ýkraina prezidenti Vladimir Zelenskii ICTV telearnasyna bergen ekskliýziv suhbatynda "Ofshor 95" tergeý filmine qatysty pikir bildirdi. Filmde 2012 jyldan beri Zelenskii men onyń komandasy - "Kvartal 95" ofshor firmalary oligarh Igor Kolomoiskiimen bailanysty kompaniiadan 40 million dollar alatyny aitylǵan, - dep habarlaidy Tengrinews.kz.

"Shyny kerek, onsha emes siýjet. Men sol salanyń mamany retinde aityp otyrmyn. Nege? Birinshiden, jańa eshteńe joq, men úshin dejaviý sekildi boldy. 2019 jyly sol kinony Poroshenko arnalarynan kórgenmin, sebebi olar maǵan qarsy eshteńe de joǵyn túsindi", - dedi Ýkraina basshysy. 

Zelenskii mundai tergeýler baiaǵydan qalǵan áńgime ekenin aitady. 

"Men onyń bárin estip, búge-shúgesine deiin kórgenmin. Jańa nárse kórmegenim ókinishti. Bul - Poroshenko 2019 jyldan beri Ýkraina prezidenti retinde maǵan qarsy eshteńe tappaǵan degen sóz", - dedi Zelenskii.  

Prezident ofshor firmalaryna bailanysty suraqqa ashyq jumys isteitinin aityp jaýap berdi. 

"Meniń nemen ainalysqanymdy halyq biledi. Ol telearna, kino, serialdar. Ianýkovichtiń kezinde bári kásip ashty, ásirese telearna men BAQ-pen bailanysty biznes. Barlyq arnanyń shetelde kompaniiasy bolatyn. Bárinde. Nege? Ol saiasat áser ete almaýy úshin jasaldy. "Kvartal 95" te solardyń qatarynda. Bári qysym kórsetip, yqpal etkisi keletin", - dedi prezident.