Ýkraina prezidenti Vladimir Zelenskii Ýkraina azamattyǵyn alý sharttaryn jeńildetetin jarlyqqa qol qoidy.
13 tamyzda jariialanǵan qujatqa sai, Reseide saiasi kózqarastary úshin qysym kórgen reseilikter Ýkraina azamattyǵy jeńildetilgen jolmen ala alady. Budan bólek, Ýkrainanyń ulttyq qaýipsizdigi men eldi qorǵaǵan sheteldikter de Ýkraina tólqujatyn alýǵa múmkindigi bar.
13 tamyzda Resei prezidenti Vladimir Pýtin de Resei azamattyǵyn ala alatyn ýkrainalyqtardyń sanatyn keńeitken. Bul qujatqa sai, Donetsk jáne Lýgansk oblysynyń barlyq turǵyny Resei pasportyn alýyna bolady. 24 sáýirde Pýtin separatister baqylaýyndaǵy aimaqtyń turǵyndaryna Resei azamattyǵyn alýdy jeńildetken.
Resmi Máskeý úsh aidyń ishinde Donbastyń jeti myń turǵyny Resei azamattyǵyn alǵanyn habarlady. Ýkraina, Eýropa odaǵy jáne Kanada Pýtin usynǵan bul tólqujatty zańsyz dep tanyǵan.
