Resei anneksiialap alǵan Qyrym men Donetsk, Lýgansk oblystaryn Ýkrainaǵa qaitarý – ýaqyttyń sharýasy. Ýkraina prezidenti Vladimir Zelenskii osylai dep málimdedi. Ýkrainalyq "Dom" telearnasyna bergen suhbatynda Zelenskii Qyrym "eshqashan orys jeri bolmaidy" dedi.
Prezidenttiń Qyrym jóninde aitqany Zelenskiidiń telegram-arnasynda jariialandy.
"Túbekti jaýlap alǵan adamdar Qyrymdy eshqashan biz súigendei súie almaidy" dedi Zelenskii. Ol Qyrymdy "óz jerimiz" dep atap, jas kezinde túbekke barǵan saparyn eske aldy.
"Bul olardyń jeri emes, olardyń urpaqtary munda ósip-ónbeidi. Balalary da munda emes. Olar bizdiń jerimiz úshin baryn salmaidy. Bul eshqashan orys territoriiasy bolmaidy. Eshqashan" dedi Zelenskii.
Ol Resei biliginiń tarihty qaita jazýǵa shamasy jetpeidi, Qyrym tatarlary da olarmen eshqashan kelispeidi dedi. Ýkraina prezidentiniń pikirinshe, Qyrym turǵyndary erte me, kesh pe, "úilerine oralady".
- Resei Qyrymdy 2014 naýryz aiynda anneksiialap alǵan. Ýkrainada prezident Viktor Ianýkovich biligi qulatylǵannan keiin Resei túbekke ásker kirgizdi jáne "túbekti Reseige qosý" jóninde kúshpen referendým ótkizdi. Ýkraina men álemniń kóptegen eli Qyrymdy Ýkraina territoriiasy dep biledi. Resei biligi "Qyrym baiaǵydan orys jeri, 1954 jyly ony Ýkraina sovet respýblikasyna berý zańsyz boldy" degen ideiany nasihattap keledi.
- Vladimir Zelenskii Qyrym máselesine núkte qoiylǵan joq dep birneshe ret málimdegen. Tamyzda Kievte Resei anneksiiasyn moiyndamaityn el ókilderi qatysatyn "Qyrym platformasy" atty alǵashqy jiyn ótedi. Batys elderi buǵan deiin Qyrym anneksiiasyna qatysy bar kompaniialar men sonda jumys isteitin tulǵalarǵa sanktsiia salǵan.
- Kreml Qyrymdy Reseidiń ajyramas bóligi dep atap, máseleni talqylaýdan bas tartqan.
