Ýkraina prezidenti Vladimir Zelenskii 14 aqpan kúni keshke halyqqa úndeý joldap, 16 aqpandy "Ýkraina halqynyń birligi kúni" dep jariialap, bul jóninde jarlyqqa qol qoidym dedi.
- Bul kúni týymyzdy tik kóterip, sary-kók lenta taǵyp, birligimizdi álemge pash etemiz, - deidi Zelenskii.
Buǵan deiin birqatar BAQ-tar, sonyń ishinde nemistiń Spiegel basylymy 16 aqpan kúni Resei Ýkrainaǵa shabýyl jasaýy múmkin degen boljamyn jariialaǵan.
"Agressiiaǵa qarsy tura alatyn áskerimiz bar, bizdiń jigitterimizdiń soǵys tájiribesi de, qazirgi zamanǵy qarý-jaraqtary da jetkilikti. Bul - osydan segiz jyl burynǵy áskerden álqaida kúshti ásker" degen Zelenskii Donbass pen Qyrym diplomatiialyq joldarmen qaitarylatynyn aitty.
AQSh pen ózge de elderdiń resmi ókilderi osy aptada Resei Ýkrainaǵa shabýyl bastaýy múmkin dep boljap otyr. Biraq Reseidiń basyp kirýge táýekeli jete me, joq pa degenge senimdi emes. Batys elderiniń jetekshileri diplomatiialyq jolmen saiasi daǵdarysty sheshýge múmkindik bar dep esepteidi.
Resei Batystyń mundai boljamyn bjoqqa shyǵaryp keledi. Resei qorǵanys ministri Sergei Shoigý dúisenbide Vladimir Pýtinmen kezdeskende "aýqymdy jattyǵý ótip jatqanyn, jattyǵý aiaqtalǵan soń áskerdiń bir bóligi burynǵy ornyna qaitatatyn" aitqan.
