Joǵarǵy Sottyń mamandandyrylǵan sot alqasynyń tóraǵasy Aigúl Qydyrbaeva Sot tóreligi akademiiasynyń professor-oqytýshylar quramyna jańa rektordy tanystyrdy. Zań ǵylymdarynyń kandidaty, professor Záýresh Baimoldina rektor boldy, dep habarlaidy "Ult aqparat" QR Joǵarǵy sotynyń baspasóz qyzmetine silteme jasap.
«Záýresh Hamitqyzy ǵylymi jáne akademiialyq ortada mol tájiribege ie, memlekettik organdarda basshylyq qyzmetterde jumys istedi. Ol taǵaiyndalǵanǵa deiin Qazaqstan Respýblikasy Ortalyq sailaý komissiiasynyń múshesi boldy», - dedi A. Qydyrbaeva jańa rektordy tanystyra kelip.
Ol Akademiianyń Ult josparynyń 18-qadamyn júzege asyrýǵa basa nazar aýdaryp otyrǵanyn atap ótti. Onyń negizgi mindeti - jańa formatsiia sýdialaryn daiarlaý, sot júiesin odan ári damytý úshin ǵylymi-zertteý jumystaryn júrgizý. «Jaqyn arada Akademiia óz qyzmetin tolyǵymen qaita quryp, sot júiesine sapaly kadrlar daiarlaý boiynsha naqty ári júieli jumys júrgizýi kerek», - dedi A. Qydyrbaeva.
Joǵarǵy Sot alqasynyń tóraǵasy jańadan taǵaiyndalǵan rektordy quttyqtap, oǵan sáttilik pen jemisti jumys tilep, Akademiianyń basym mindetterin atap ótti.
Záýresh Hamitqyzy Baimoldina 1985-1994 jyldary - E.A. Býketov atyndaǵy Qaraǵandy memlekettik ýniversitetiniń oqytýshysy, aǵa oqytýshysy, dotsenti, zań fakýlteti dekanynyń orynbasary,
1994-1996 jyldary - Ádilet ministrligi Ekonomikalyq zańnama bóliminiń bastyǵy, Zańdy tulǵalardy tirkeý basqarmasynyń, Bas basqarmasynyń bastyǵy,
1996-2005 jyldary - Qazaq memlekettik zań institýtynyń kafedra meńgerýshisi, kásipkerlik jáne quqyq fakýltetiniń dekany, dotsenti, professory,
2005-2006 jyldary - Qorshaǵan ortany qorǵaý ministrligi Normativtik-quqyqtyq qamtamasyz etý basqarmasynyń bastyǵy, Quqyqtyq qamtamasyz etý jáne halyqaralyq yntymaqtastyq departamenti direktorynyń orynbasary,
2006-2008 jyldary - Prezident Ákimshiliginiń Quqyq qorǵaý jáne sot júieleri bóliminiń bas sarapshysy, bas inspektory,
2008-2012 jyldary - Prezident Ákimshiliginiń Memlekettik-quqyq bóliminiń inspektory,
2012-2017 jyldary - Ádilet ministriniń orynbasary,
2017 jylǵy jeltoqsannan bastap qazirgi ýaqytqa deiin Ortalyq sailaý komissiiasynyń múshesi bolyp jumys istedi.
