Tanymal tennisshimen kezdesýge ońtústik astananyń túrli tennis ortalyqtarynan 50-ge jýyq bala keldi, dep habarlaidy QazAqparat tennis federatsiiasynyń Facebook-tegi paraqshasyna silteme jasap.
Zarina jas sportshylardyń suraqtaryna jaýap berdi, aqylyn aitty, sonymen qatar aldaǵy maýsymdaǵy josparlarymen bólisti. Balalar qazaqstandyq tennis juldyzyna qyzyqty suraqtar daiyndap kelipti.
Zarina bala kezinde gimnastikamen ainalysqan eken, alaida tenniske degen qyzyǵýshylyǵy basym túsken. Ol esinde jaqsy saqtalǵan matchtar retinde Serena Ýiliams jáne Mariia Sharapovamen ótkizgen kezdesýlerin aitty.
Sportshynyń aitýynsha, álemniń túrli qalalarynda kóptegen alańda jattyqqanyna qaramastan, olar Almatyda jattyqqanǵa jetpeidi eken. Mansabyn aiaqtaǵannan keiin Zarina balalardy jattyqtyryp, óziniń tennis akademiiasyn qurýdy josparlap júrgenin aitty.
«Qandai balmuzdaq unatasyz?» - degen suraq qoidy Tennis federatsiiasynyń tárbielenýshisi Kirill. Barlyq suraqtardyń ishinde Zarina osy suraqty unatty. Zarina karamel balmuzdaqty unatatyn bolyp shyqty. Bul suraǵy úshin Kirill sportshynyń qoltańbasy bar fýtbolkasyn syilyqqa aldy.
Tennis federatsiiasynyń Almatydaǵy filialynyń ókili de sportshyǵa suraq qoidy.
- Maýsym qalai ótti? Josparlaǵan nárseler oryndaldy ma?
- Árine, bul uzaq maýsym boldy. Jaraqattar boldy. Alaida qazir qalpyma kelip jatyrmyn, kelesi maýsymǵa tolyq daiyndyqpen kelemin degen úmittemin.
- Biyl birinshi ret Olimpiadaǵa qatystyńyz. Qandai sezimde boldyńyz?
- Sóz aityp jetkize almaimyn. Olimpiadadaǵy atmosfera ǵajap, eshteńemen salystyrýǵa kelmeidi. Álemniń eń myqty sportshylary jarysqa qatysý úshin jinalady. Ókinishke orai, jaraqattardyń kesirinen oilaǵanymdy kórsete almadym, alaida Parijde ótetin kelesi Oiyndarǵa qatysamyn degen úmittemin, - dedi Zarina.
