QR aqparat jáne qoǵamdyq damý vitse-ministri Nurgúl Maýberlinova internette anyqtalǵan quqyqqa qarsy materialdar týraly aitty, dep habarlaidy Baq.kz agenttigi.
"Internetke turaqty monitoring jasaimyz. Zań buzatyn materialdardy anyqtaimyz. Odan keiin internet resýrstardyń ákimshiligine eskertý jumysyn júrgizemiz. Zańnamalyq buzýshylyqtardyń qandai túri bar? Bul eń aldymen - terrorizmdi, dini ekstremizmdi nasihattaý, sýitsidke tartatyn materialdardy, esirtki satýdy taratý", - dedi vitse-ministr.
Maýberlinovanyń sózinshe, kún saiyn zańǵa qaishy materialdar taratatyn 10-nan 100-ge deiin internet resýrstar men áleýmettik jelidegi paraqshalar anyqtalady.
"Statistikaǵa júginsek, 2016 jyly 140 myńǵa jýyq quqyqqa qarsy material anyqtalsa, 2017 jyly bul kórsetkish 300 myńnan asyp, 2018 jyly - 130 myń material, biyl alǵashqy jarty jylda 45 myń material anyqtaldy. Barlyq anyqtalǵan quqyqqa qarsy materialdardyń 90%-y - terrorizmdi nasihattaýǵa bailanysty. Qalǵan negizgi bóligi esirtki, sýitsid, zorlyq-zombylyq pen pornografiiany nasihattaidy", - dep sózin túiindedi ol.
Buǵan deiin atalǵan QR tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev uialy telefonǵa qaýipsizdik sertifikatyn ornatý máselesine qatysty aitty.
