Salyq tóleýshilerden kóptep kelip jatqan suraqtarǵa bailanysty Qarjy ministrliginiń Memlekettik kirister komiteti zańdy tulǵalar kólik quraldary salyǵy boiynsha salyq mindettemesin oryndaý merziminiń kóshirilýine qatysty túsindirme berdi.
«Salyq kodeksiniń 494-babynyń 1-tarmaǵyna sáikes jáne 496-babynyń 1-tarmaǵyna sáikes zańdy tulǵalar aǵymdaǵy tólemder somasyn tóleýdi jáne aǵymdaǵy tólemderdiń esep-qisabyn usynýdy salyq salý obektileriniń tirkelgen jeri boiynsha salyq kezeńiniń 5 shildesinen keshiktirmei júrgizýi qajet», delingen habarlamada.
Sonymen qatar, Salyq kodeksiniń 38-babynyń 2-tarmaǵyna sáikes, eger salyqtyq mindettemeni oryndaý merziminiń sońǵy kúni jumys kúni bolmasa, onda merzim kelesi jumys kúniniń sońynda aiaqtalady.
«Osylaisha, 2021 jyly 6 shilde mereke kúni ekenin jáne demalys kúnniń 5 shildege aýystyrylǵanyn eskersek, kólik quraldary salyǵy boiynsha aǵymdaǵy tólemder somasyn tóleý men aǵymdaǵy tólemderdiń esep-qisabyn usyný boiynsha salyq mindettemesin oryndaý merzimi kelesi jumys kúniniń sońynda, iaǵni 7 shildede aiaqtalady», - dep túsindirdi komitettten.
Qazir salyqtyń tóleý merzimin 7 shildege aýystyrýǵa qatysty vedomstvonyń aqparattyq júielerin jańartý júrgizilip jatyr.
