Qazaqstannyń birqatar óńirinde 4 qyrkúiekke qolaisyz aýa raiyna bailanysty daýyldy eskertý jariialandy. Bul týraly «Qazgidromet» RMK habarlady, dep habarlaidy ult.kz.
Sinoptikterdiń boljamynsha, Shymkentte soltústik-shyǵystan jel soǵyp, kúndiz onyń ekpini sekýndyna 15-20 metrge jetedi. Qalada tótenshe órt qaýpi saqtalady.
Almaty oblysynyń taý bókteri men taýly aimaqtarynda jańbyr, naizaǵai, burshaq jaýýy múmkin. Taýly aýdandarda túnde jáne tańerteń tuman túsedi. Kúndiz oblystyń shyǵysynda jeldiń ekpini 15-20 m/s-qa deiin kúsheiedi. Óńirdiń birqatar aýmaǵynda tótenshe órt qaýpi saqtalady.
Almaty qalasynyń Medeý jáne Bostandyq aýdandarynyń taýly aimaqtaryn qamtityn Ile Alataýynda kúndiz ótkinshi jańbyr, naizaǵai kútiledi. Túnde jáne tańerteń tuman túsedi.
Túrkistan oblysynyń taýly aýdandarynda ótkinshi jańbyr men naizaǵai boljanady. Oblystyń batysy men soltústiginde shańdy daýyl turýy múmkin. Jeldiń ekpini kei jerlerde 23-28 m/s-qa deiin jetedi. Tótenshe órt qaýpi saqtalady.
Jambyl oblysynyń taýly aýdandarynda jańbyr jaýyp, naizaǵai oinaidy. Ońtústik-batys, soltústik-shyǵys jáne taýly aýdandarda jeldiń jyldamdyǵy 15-20 m/s bolady. Óńirde tótenshe órt qaýpi saqtalady.
Jetisý oblysynyń taýly aýdandarynda kúndiz jańbyr men naizaǵai kútiledi. 4-6 qyrkúiek aralyǵynda oblystyń soltústiginde joǵary, ońtústigi men shyǵysynda tótenshe órt qaýpi saqtalady.
Soltústik óńirlerde de aýa raiy qubylady. Aqmola oblysynyń batysy men soltústiginde túnde jáne tańerteń tuman túsedi. Soltústiginde joǵary órt qaýpi kútiledi. Soltústik Qazaqstan oblysynyń soltústigi men shyǵysynda kúndiz azdaǵan jańbyr jaýyp, naizaǵai oinaýy múmkin. Ońtústiginde túnde jáne tańerteń tuman bolady.
Pavlodar oblysynyń ońtústigi, shyǵysy men ortalyǵynda túnde jáne tańerteń tuman kútiledi. Qostanai oblysynyń batysy men soltústiginde tuman túsedi. Soltústik-batysynda joǵary, al ońtústigi, ońtústik-shyǵysy men ortalyǵynda tótenshe órt qaýpi saqtalady.
Batys Qazaqstan oblysynyń batysynda kúndiz jańbyr jaýyp, naizaǵai oinaidy. Jeldiń ekpini 15-20 m/s-qa deiin kúsheiedi. Óńirde tótenshe órt qaýpi saqtalady.
Atyraý oblysynyń batysy men soltústiginde kúndiz shańdy daýyl turýy múmkin. Jeldiń ekpini 15-18 m/s bolady. Oblystyń barlyq aýmaǵynda tótenshe órt qaýpi saqtalady.
Mańǵystaý oblysynyń soltústigi, ońtústigi men ortalyǵynda shańdy daýyl kútiledi. Jeldiń ekpini 15-20 m/s-qa deiin jetedi. Batysy men soltústiginde tótenshe, ortalyǵynda joǵary órt qaýpi saqtalady.
Shyǵys Qazaqstan oblysynyń soltústigi, shyǵysy men ortalyǵynda túnde jáne tańerteń tuman túsedi. Taýly aýdandarda túnde 3 gradýsqa deiin úsik júrýi múmkin.
Abai oblysynyń soltústigi men ortalyǵynda tuman kútiledi. Kúndiz ońtústik-batysta jeldiń ekpini 15-18 m/s-qa jetedi. Oblystyń shyǵysynda túnde 2 gradýsqa deiin úsik kútiledi.
Qaraǵandy oblysynyń ońtústik-shyǵysynda soltústik-shyǵystan jel soǵyp, ekpini 15 m/s bolady. Oblystyń ortalyǵynda joǵary órt qaýpi saqtalady. Ulytaý oblysynda tótenshe órt qaýpi bar.
Qyzylorda oblysynyń ońtústiginde kúndiz shańdy daýyl turyp, jeldiń ekpini 15-20 m/s-qa deiin kúsheiedi. Oblys boiynsha tótenshe órt qaýpi saqtalady.
Al Aqtóbe oblysynyń soltústik-shyǵysynda joǵary, oblystyń qalǵan aýmaǵynda tótenshe órt qaýpi saqtalady.
