Qyzylorda oblysynyń Jańaqorǵan aýdanynda 20 jastaǵy Meiirjan Rústemniń máiiti qudyqtan tabyldy. Qaiǵyly oqiǵaǵa bailanysty qylmystyq is qozǵalyp, marqumnyń 15 jastaǵy týǵan inisi kúdikke ilinip, qamaýǵa alynǵan, dep habarlaidy ult.kz.
Meiirjan 30 mamyr túni úiiniń aýlasynda uiyqtaǵan. Tańerteń jaqyndary onyń joq ekenin baiqap, izdeýge kirisken. Týystarynyń aitýynsha, izdeý jumystary barysynda jigittiń denesi bir táýlikten keiin úiinen shamamen 400 metr jerdegi jergilikti sý qubyrynyń qudyǵynan tabylǵan.
Marqumnyń týystary onyń denesinen kógergen izder baiqalǵanyn, al moinynda jipke uqsas iz bolǵanyn aitady. Sondai-aq kei málimetterde máiittiń kórpege oralǵan kúide tabylǵany aitylǵan.
Qazir bul fakti boiynsha tergeý júrip jatyr. Is aiasynda marqumnyń kámeletke tolmaǵan inisi kúdikti retinde qamaýǵa alynǵan.
Alaida otbasy bul nusqamen kelispeidi. Týystary 15 jastaǵy jasóspirimniń qylmysqa qatysy joq ekenin aityp, istiń barlyq mán-jaiyn jan-jaqty, tolyq ári obektivti tekserýdi talap etýde.
