Jańaózende munai-gaz kásipornynyń óndiristik nysandarynan jabdyqtardy birneshe ret urlady degen kúdikpen er adam ustaldy, dep habarlaidy ult.kz.
Polisia.kz málimetinshe, «Metall» jedel-profilaktikalyq is-sharasy barysynda politsiia Teńge aýylyndaǵy uńǵymalardyń birinen eki shiberli ysyrmanyń urlanǵanyn anyqtaǵan. Jabdyqtardyń jalpy quny 1,5 mln teńgeden asady.
Jedel-izdestirý sharalary kezinde kúdikti anyqtalyp, onyń kásiporyn múlkin urlaýdyń taǵy bes deregine qatysy bolýy múmkin ekeni belgili boldy. Osylaisha, er adam barlyǵy alty urlyqqa kúdikti bolyp otyr.
Atalǵan faktiler boiynsha Qylmystyq kodekstiń 188-baby negizinde qylmystyq ister qozǵaldy. Kúdikti ýaqytsha ustaý izoliatoryna qamaldy.
Qazir urlanǵan jabdyqtardy izdeý jáne basqa adamdardyń qylmysqa qatysy bar-joǵyn anyqtaý jumystary júrgizilip jatyr.
