Parlament Májilisiniń jalpy otyrysynda «Notariat týraly» Qazaqstan Respýblikasynyń Zańyna ózgerister men tolyqtyrýlar engizý týraly» zań jobasy maquldandy, dep habarlaidy QazAqparat.
Zań jobasy QR Parlamenti depýtattarynyń bastamasymen notariat salasyndaǵy zańnamany jetildirý maqsatynda ázirlendi.
«Túzetýlerdiń birinshi blogy notariat jumysyndaǵy tsifrlyq tehnologiialarǵa arnalǵan. Notariattyq qyzmetti odan ári tsiiarlandyrý – jasalatyn is-qimyldardyń jedeldigin, ashyqtyǵyn jáne zańdylyǵyn qamtamasyz etýge múmkindik beredi, notariattyq qujattardy resimdeýdi jeńildetedi. Bul úshin elektrondyq notariattyń jekelegen erekshelikterin zańnamalyq retteý qajet», - dedi Májilis depýtaty Balaim Kesebaeva.
Onyń aitýynsha, zań jobasynda «notariattyq qupiia» uǵymy engiziledi. Notariattyq qupiia - notariattyq qyzmettiń negizgi printsipteriniń biri jáne kepili bolyp sanalady.
«Tártiptik is júrgizýdi obektivti jáne jan-jaqty qaraý maqsatynda shaǵymdardy respýblikalyq deńgeide qaraityn Respýblikalyq notariattyq palatanyń tártiptik komissiiasyn qurý zańnamalyq turǵyda bekitiledi. Zań jobasynda elektrondy qujattyń qaǵaz jetkizgishtegi qujatpen teń mándiligin kýálandyrý jáne qaǵaz túrindegi qujattyń elektrondy qujatpen teń mándiligin kýálandyrý siiaqty eki jańa notariattyq is-áreket engiziledi», - dedi depýtat.
