Foto: Almaty ákimdigi
Almaty ákimi Erbolat Dosaevtyń tapsyrmasy boiynsha stihiialyq saýdaǵa qarsy kúres jáne memlekettik qordyń jerinde zańsyz ornatylǵan statsionarlyq emes saýda nysandaryn (budan ári – SSN) joiý maqsatynda qalanyń kásipkerlik jáne investitsiialar basqarmasy statsionarlyq emes saýda nysandaryn jappai bólshekteý jumystaryn bastady.
Qalanyń barlyq aýdandarynda arnaiy jumys komissiialary quryldy, olardyń quramyna memlekettik organdardyń, Almaty qalasy Politsiia departamentiniń ókilderi, máslihat depýtattary, Qoǵamdyq keńestiń jáne QR «Atameken» UKP músheleri kirdi.
Eki kún ishinde 21 zańsyz nysan bólshektelgen. Máselen, Áýezov aýdanynda Abai dańǵylynyń boiyndaǵy 4-shaǵynaýdanda 2 saýda núktesi bólshekteldi, olar konditerlik ónimder men kóshe taǵamdaryn satýmen ainalysqan. Bul rette obektiler sýmen jabdyqtaýǵa jáne sý burýǵa qoljetkize almaǵan ári elektr jelilerine ruqsat qujattarynsyz ózderi qosylǵan.
Foto: Almaty ákimdigi
Kókjiek shaǵynaýdanynda kókónister men nan ónimderin satýmen ainalysqan zańsyz ornatylǵan statsionarlyq emes saýda núkteleri de bólshekteldi. Onyń ainalasy abattandyrylmaǵan, bul jergilikti turǵyndarǵa qolaisyzdyq týdyrdy.
Kóptegen kásipkerler men turǵyndar mundai sharalardy qoldap, barlyq sanitarlyq normalar men qaýipsizdik erejelerin saqtaý qajettigin atap ótti. Áýezov aýdanynyń turǵyny Larisa Merǵalieva zańsyz saýda nysandaryn buzýdy qoldaitynyn atap ótti.
«Zańsyz saýda núkteleriniń injenerlik jelilerge qosylýǵa zańdy negizi joq, keibireýlerinde tipti sý joq. Bul satýdyń sanitarlyq jaǵdaiyna da áser etedi. Olar zańsyz jumys isteitindikten, sanitarlyq-epidemiologiialyq qadaǵalaýdan da tys qalǵan ári bul da qaýipti. Sondyqtan mundai nysandardy buzý kerek», - dedi ol.
Foto: Almaty ákimdigi
Kásipkerler sondai-aq qyzmetti zańdy negizde júzege asyrý qajet dep sanaidy.
«Qalada órkenietti, zańdy saýdany uiymdastyrý máselesi baiaǵyda baiaǵydan beri aitylyp keledi. Sondyqtan qazir osy baǵytta qajetti sharalardy qabyldai bastaǵanymyz jaqsy. Almaty-elimizdegi eń iri saýda ortalyqtarynyń biri. Osy turǵydan alǵanda, megapolistegi barlyq saýda núkteleriniń zań boiynsha barlyq talaptardy oryndai otyryp, tek zańdy negizde jumys isteýi mańyzdy», - dep atap ótti kásipker Móldir Jumasheva.
Bólshekteý protsesinde injenerlik kommýnikatsiialyq jelilerden, elektr jáne sýmen jabdyqtaýdan ajyratý kózdelgen. Qalalyq Politsiia departamenti aýdan ákimdikterimen birlesip, bólshekteý ornynda qoǵamdyq tártip pen qaýipsizdikti qamtamasyz etýde.
Foto: Almaty ákimdigi
Eske salsaq, Almaty qalasy ákimdiginiń 2024 jylǵy 27 tamyzdaǵy №3/469 «Almaty qalasynyń aýmaǵynda statsionarlyq emes saýda nysandaryn ornalastyrý oryndaryn belgileý jáne bekitý týraly» Qaýlysyna sáikes qalada 157 statsionarlyq emes saýdan nysandaryn ornalastyrý úshin 142 oryn bekitilgen.
Statsionarlyq emes saýda nysandarynda zańdy negizde qyzmetin jalǵastyrýǵa niet bildirgen kásipkerler Almaty qalasy Kásipkerlik jáne investitsiialar basqarmasynyń saýda bólimine 390 21 30 telefony boiynsha júgine alady.
Foto: Almaty ákimdigi
