Zań shyǵarý protsesine atústi qaraýdy toqtatý qajet. Bul týraly búgin QR Parlamenti Senatyndaǵy zań shyǵarý protsesin jetildirý máseleleri jónindegi Úkimet saǵatynda Joǵary Palata spikeri Qasym-Jomart Toqaev aitty, dep habarlaidy QazAqparat tilshisi.
«Zań shyǵarý protsesi shyn máninde odan ary jetildirýdi talap etedi. Bul jerde kásibi turǵydan ashyq talqylaityn máseleler az emes. Túptep kelgende azamattardyń ál-aýqaty, memlekettiń zań shyǵarý júiesiniń sapasyna tikelei bailanysty. Elimizde qabyldanǵyp jatqan zańdardyń sapasy qandai? Olardyń mazmuny Qazaqstan azamattaryna túsinikti me? Biz osy máselelerdi egjei-tegjeili qarastyrýymyz qajet», - dep atap ótti Senat tóraǵasy.
Sonymen qatar ol Memleket basshysy reformalarynyń negizi, atap aitqanda Qazaqstannyń ekonomikasy men saiasatynda tereń jańǵyrtýlar júrgizý, elimizdi aldyńǵy qatarly memleketke ainaldyrý strategiiasyn júzege asyrý úshin zań shyǵarý protsesine atústi qaraýdy toqtatý kerektigin basa aitty.
«Bul mańyzdy iske jańasha kózqaras qalyptastyrýdy qajet etedi. Elimizdegi reformalardyń qarqyny men mazmunyn qamtamasyz etýge qabiletti jańǵyrtylǵan zańnamalyq baza qurý - Parlament depýtattary jumysynyń negizgi maqsaty. Memleket basshysy bizdiń aldymyzǵa dál osyndai mindet qoiyp otyr. Parlamenttiń ókilettiligin kúsheitý jumysy zań shyǵarýshy tulǵalardyń zań jobalaryn ázirleý jáne olarǵa bastamashylyq jasaý tártibin retteýdi talap etedi», - dedi Qasym-Jomart Toqaev.
