Reseidiń Ekaterinbýrg qalasynda ótip jatqan bokstan álem chempionatynda qazaqstandyq taǵy bir bylǵary qolǵap sheberi Zakir Safiýllin alǵashqy jekpe-jegin jeńispen bastady, dep habarlaidy "Ult aqparat".
Zakir Safiýllin 63 keli salmaqta synǵa tústi. Sharshy alańda ol ázerbaijan jigiti Bahtiiar Gazibaevtan basymdyq tanytty.
Qazaqstandyq boksshy 1986 jyly Shymkent qalasynda dúniege kelgen. Búgingi kúnge deiin Aziia chempionatynda 2015 jáne 2019 jyldary kúmis júldeger atandy. Al 2015 jyly álem chempionatynda jarystyń alǵashqy satysynan asa alǵan joq.
Reseidegi álem chempionatynda buǵan deiin 81 keli salmaqta qazaqstandyq taǵy bir boksshy Bekzat Nurdáýletov alǵashqy jekpe-jeginde jeńiske jetken bolatyn.
Qazaqstan boksshylary álem chempionatyna 1993 jyldan beri qatysyp keledi. Búgingi kúnge deiin olar barlyǵy 40 medalge qol jetkizdi. Olardyń 11-i altyn, 12-i kúmis jáne 17-i qola.
Biylǵy álem chempionatynda qazaqstandyq qurama sapynda segiz sańlaǵymyz sharshy alańǵa shyǵady. Olardyń qatarynda Sáken Bibosynov (48 keli), Qairat Eráliev (57 keli), Zakir Safiýllin (63 keli), Abylaihan Júsipov (69 keli), Tursynbai Qulahmet (75 keli), Bekzat Nurdáýletov (81 keli), Vasilii Levit (91 keli) jáne Qamshybek Qońqabaev (91 keliden joǵary) bar.
