Qasym-Jomart Toqaev «Ulttyq ǵylymi kardiohirýrgiia ortalyǵy» AQ Basqarma tóraǵasy Iýrii Piany qabyldady, dep habarlaidy "Ult aqparat" Aqordaǵa silteme jasap.
Memleket basshysyna ortalyqtyń aǵymdaǵy jumys nátijeleri men jetistikteri, aldaǵy damý múmkindikteri jóninde málimet berildi.
Atap aitqanda, Iu.Pia Prezidentke jumys istep turǵan ortalyqtyń negizinde iri ǵylymi-zertteý jáne bilim berý mekemesin qurý jospary týraly aitty. Atalǵan joba halyqaralyq seriktestermen birlese otyryp júzege asyrylady.
Qazaqstan Prezidenti ortalyqtyń damýyna udaiy qoldaý kórsetetinin aityp, elimizdegi meditsinalyq qyzmetterdiń sapasyn arttyryp, qoljetimdi ete túsýdiń óte mańyzdy ekenin atap ótti.
