Foto: t.me/KZgovernment
Tótenshe jaǵdailar ministri Iýrii Ilin Premer-ministrdiń birinshi orynbasary Roman Skliardyń Ekibastuz JEO jylý jelilerindegi apat týraly sózine qatysty pikir bildirdi, - dep habarlaidy Tengrinews.kz portaly.
Senat otyrysy kýlýarynda jýrnalister Tótenshe jaǵdailar ministrligi basshysynan Ekibastuz jylý elektr ortalyǵynda bolǵan apatqa qatysty vitse-premerdiń málimdemesine pikir bildirýdi surady.
"Birinshiden, men joǵary laýazymdy basshyny, Premer-ministrdiń birinshi orynbasaryn, onyń qyzmetin baǵalaýǵa quqyǵym joq. Ministrlik úshin aitarym, Qazaqstan aýmaǵyndaǵy kez kelgen tótenshe jaǵdai, tipti eleýsiz bolsa da, sizder arqyly (BAQ ókilderi – avt. esk.) jariialanýǵa quqyly, al tótenshe jaǵdaiǵa áreket etý bizdiń ministrliktiń mindeti", - dedi ol jýrnalister suraǵyna jaýap bere otyryp.
Ilin Prezidenttiń Ekibastuzdaǵy tótenshe jaǵdaidy joiýǵa qatysty synymen kelisetinin aitty.
"Memleket basshysynyń synyna ilikken másele, pysyqtalmaǵany týraly, men munymen tolyqtai kelisemin. Biz osydan qorytyndy shyǵarýymyz kerek. Bul - bizdiń bólimsheler úshin de, sondai-aq tótenshe jaǵdailardy joiý uzaq ýaqytqa sozylmaýy úshin bolashaqta ózara árekettesý máselelerin tezirek sheshýge tiisti bólimderdiń jumysy úshin de áreketter algoritmi. Sondyqtan biz kez kelgen tótenshe jaǵdaidy (...) múmkindiginshe tezirek joiý úshin áreket etýge mindettimiz", - dedi ministr.
