Úkimet otyrysynda QR Tótenshe jaǵdailar ministri Iýrii Ilin iesiz gidrotehnikalyq nysandardyń tasqyn qaýpin ýshyqtyryp turǵanyn másele etip kóterdi, dep habarlaidy QazAqparat.
«Qazirgi ýaqytta iri sý qoimalarynyń ortasha tolymdylyǵy 60-75%-dy quraidy. Osyǵan bailanysty ákimdikter men Ekologiia, geologiia jáne tabiǵi resýrstar ministrligine sý qoimalarynyń tolý deńgeiin baqylaý qajet.
Sonymen birge iesiz gidrotehnikalyq qurylystar problemasy bar. Eger, byltyr olardyń sany 10 bolsa, biyl olardyń sany 25-ke jetti», - dedi ministr.
Sondai-aq, ol Ekologiia, geologiia jáne tabiǵi resýrstar ministrligine jergilikti atqarýshy organdarmen birlesip, olardy kommýnaldyq menshikke berý jóninde sharalar qabyldaýdy tapsyrýdy usyndy.
«Sońǵy bes jylda avtomobil joldaryn 700-ge jýyq ret sý basqan. Bul rette, búginde respýblika boiynsha sý basýǵa beiim 278 avtomobil jolynyń ýchaskesi jáne 600-den astam temirjol ýchaskesi bar.
Kólik infraqurylymynyń sý basyp ketýine jáne buzylýyna jol bermeý úshin ákimdikterge Indýstriia jáne infraqurylymdyq damý ministrligimen birlesip qorǵaý jáne aldyn alý is-sharalaryn aldyn ala júrgizgeni qajet dep sanaimyz», - dedi Iýrii Ilin.
