Parlament Májilisiniń jalpy otyrysynda «QR Úkimeti men Bilim, ǵylym jáne mádeniet máseleleri jónindegi BUU arasyndaǵy IýNESKO aiasynda Mádenietterdi jaqyndastyrý halyqaralyq ortalyǵyn (2-sanat) qurý týraly kelisimdi ratifikatsiialaý týraly» zań jobasy maquldandy, dep habarlaidy "Ult aqparat".
Zań jobasynyń maqsaty - 2019 jylǵy 25 maýsymda jasalǵan, «Mádenietterdi jaqyndastyrý ortalyǵy» memlekettik mýzeii» respýblikalyq memlekettik qazynalyq kásipornynyń bazasynda Almaty qalasynda IýNESKO aiasynda Mádenietterdi jaqyndastyrýdyń halyqaralyq ortalyǵynyń (2-sanat) jumys isteýin kózdeitin kelisimdi ratifikatsiialaý.
Ortalyq IýNESKO Bas konferentsiiasynyń 36-shy sessiiasynda qoldaý tapqan IýNESKO aiasynda Mádenietterdi jaqyndastyrýdyń halyqaralyq onjyldyǵyn (2013 – 2022 jyldar) ótkizý týraly Qazaqstan Respýblikasynyń bastamasyn institýtsionaldyq qoldaýdy qamtamasyz etedi.
«Ózderińizge málim, 2015 jyly Elbasy Nursultan Nazarbaev IýNESKO-da Qazaqstan bastamasymen jáne BUU Bas Assambleiasy jariialaǵan Mádenietterdi jaqyndastyrýdyń halyqaralyq onjyldyǵyn (2013-2022 jj.) ótkizý aiasynda bul bastamany institýtsionaldy qoldaý maqsatynda IýNESKO-men birlesip, mádenietterdi jaqyndastyrýdyń halyqaralyq institýtyn qurý týraly usynys jasap sóz sóilegen bolatyn. Sondai-aq, Memleket basshysy Qasym-Jomart Toqaev óziniń 2019 jylǵy 2 qyrkúiektegi «Syndarly qoǵamdyq dialog – Qazaqstannyń turaqtylyǵy men órkendeýiniń negizi» atty Qazaqstan halqyna jyl saiynǵy Joldaýynda etnosaralyq kelisim men dinaralyq ózara túsinistikti nyǵaitýdy jalǵastyrý qajettigin atap ótti. Osyǵan orai shartty ratifikatsiialaý halyqaralyq deńgeide elimizdiń bedeliniń artýyna yqpal etetin bolady», - dedi Mádeniet jáne sport ministri Aqtoty Raiymqulova.
Halyqaralyq shartty ratifikatsiialaý aiaqtalǵannan keiin Ortalyq bul jumysty Qazaqstan Respýblikasynyń mádeni saiasatynyń basymdyqtaryna jáne BUU-nyń 2030 jylǵa deiin turaqty damý salasyndaǵy kún tártibine sáikes jalǵastyrady.
Ortalyq:
- etnostardyń, mádenietter men dinderdiń shyǵý tegi salasyndaǵy irgeli jáne qoldanbaly zertteýler júrgizýge;
- túrli órkenietter men mádenietterdiń ózara áser etýiniń keshendi protsesterine jaryq túsiretin Uly Jibek jolyn zertteýge;
- mádenietaralyq qoǵamdardyń qalyptasýy jáne olardyń ǵalamshardyń ár túkpirinde biregeiligine;
- túrli etnostardyń mádenietterin jaqyndastyrý boiynsha forýmdar, konferentsiialar, dóńgelek ústelder, ashyq dárister, treningter, onlain-dárister ótkizýge;
- halyqaralyq aýditoriia arasynda beibitshilik pen turaqty damý múddesinde mádenietaralyq dialog qundylyqtaryn taratýǵa baǵyttalǵan halyqaralyq yntymaqtastyqqa arnalǵan biregei platforma bolady.
«Budan basqa, aldaǵy 2022 jyly Mádenietterdi jaqyndastyrýdyń halyqaralyq onjyldyǵy baǵdarlamasynyń (2013-2022) aiaqtalýy kútilip otyrylǵandyǵyna bailanysty Qazaqstan atynan «Bilim mádenietiniń halyqaralyq onjyldyǵy» baǵdarlamasyn jariialaý týraly bastama kóterildi. Bilim mádenieti mádenietterdiń jaqyndasýynyń damýyndaǵy kelesi kezeń, onyń logikalyq saldary bolady. Jinaqtalǵan tájiribe IýNESKO-nyń qamqorlyǵymen Mádenietterdi jaqyndastyrýdyń halyqaralyq ortalyǵyna qazaqstandyq qoǵam men jalpy adamzat qoǵamynyń turaqty damýyna yqpal ete otyryp, osy ideialardy is júzinde iske asyrýmen tabysty ainalysýǵa múmkindik beredi. Mádenietterdi jaqyndastyrý ortalyǵyna IýNESKO-nyń 2-sanaty mártebesin berý elimizdiń ulttyq múddelerine sáikes keledi ári saiasi jáne áleýmettik turǵydan tiimdi bolady. Bul óz kezeginde IýNESKO júiesinde Qazaqstan Respýblikasynyń bastamalaryn iske asyrýdy tiimdi ilgeriletýge yqpal etedi», - dedi ministr.
