Ulttyq tennis ortalyǵynda Federatsiia kýbogy úshin ótip jatqan irikteý týrnirinde Qazaqstannyń birinshi, álemniń 43-raketkasy Iýliia Pýtintseva úndistandyq Ankita Rainamen kezdesti, dep habarlaidy "Ult aqparat".
Qazaqstan - Úndistan matchynyń alǵashqy básekesinde Zarina Diias Karman Kaýr Thandidi utqan edi.
Iu.Pýtintseva álemdik reitingte úzdik elýliktiń ishinde bolsa, qarsylasy 165-orynda bolatyn. Birinshi partiiada esep 2:1 bolǵan mezette qazaqstandyq tennisshi breik jasap, sosyn óz geimin de aldy - 4:1. Úndistandyq tennisshi qansha tyryssa da, Pýtintseva bet qaratpady - 6:1.
Ekinshi setti Iýliia breikpen bastaǵanymen, ózi dop bergende, sol qarqynyn jalǵastyra alǵan joq - 1:1. Besinshi, altynshy geimde qarsylastar breikpen almasty - 3:3. Sodan keiin qazaqstandyq sportshy taǵy bir breikke qol jetkizip, óz geimin bermedi - 5:3. Áitse de matchqa dop bergende, Ankitanyń breik jasaýyna múmkindik berip qoidy - 5:5. Aqyry tartysty ótken partiia tai-breikke ulasty - 6:6. Munda Pýtintseva 7:4 esebimen jeńiske jetti.
Qyzý ótken báseke 2 saǵatqa jýyq ýaqytqa sozyldy. Osylaisha Iu.Pýtintseva Qazaqstan - Úndistan matchynda esepti 2:0-ge jetkizip, sońǵy, juptyq básekeniń nátijesine qaramastan, komandasyna jeńis áperdi. Ótken jyly Iýliia dál osy Ankitadan utylyp qalǵan bolatyn, biyl sonyń esesin qaiyrdy. Eger ózgeris bolmasa, juptyq kezdesýde Anna Danilina men Galina Voskoboeva Ankita Raina jáne Karman Kaýr Thandimen kortqa shyǵady.
Qazaqstandyqtar 9 aqpan kúni «V» tobynda jeńimpaz atanǵan Qytai quramasymen ekinshi Álemdik toptyń plei-off kezeńine beriletin joldamany sarapqa salady. Qytai myqty qarsylas bolǵandyqtan, bul matchtyń asa tartysty óteri anyq.
