Iýliia Galysheva Japoniianyń Tazavako qalasynda ótken fristail-mogýldan álem kýbogynyń úshinshi kezeńinde qola júldeger atandy, dep habarlaidy "Ult aqparat".
«QR Ulttyq Olimpiada komitetiniń baspasóz qyzmetine silteme jasap. «2019 jylǵy álem chempiony irikteý kezeńinde asa qinalǵan joq. Ol sheshýshi kezeń qarsańynda Olimpiada chempiony Perrin Laffonǵa ǵana ese jibergen. Jarystyń aqtyq synynda Galysheva 76.92 upai jinap, úshinshi satyǵa turaqtady. Altyn júlde 82.97 upai jinaǵan Perrin Laffonnyń, kúmis medal 79.87 upaiy bar Entoni Djakaranyń enshisinde», - delingen komitet habarlamasynda.
Al Aiaýlym Ámirenova, Pavel Kolmakov, Sergei Romanov, Aleksandr Gebert pen Oleg Tsinn irikteýden ótken joq.
Eske sala ketsek, osydan birneshe kún buryn Amerikanyń Park-Siti qalasyndaǵy álem chempionatynda mogýldan áielder arasyndaǵy chempion anyqtaldy. Qazaqstandyq Iýliia Galysheva álem chempiony atanǵan bolatyn.
