Amerikanyń Park-Siti qalasynda ótken mogýldan áielder arasyndaǵy álem chempionatynda qazaqstandyq Iýliia Galysheva jeńimpaz atandy, dep habarlaidy "Ult aqparat".
Bul - Iýliianyń álem chempionatyndaǵy alǵashqy jeńisi. Finalda bizdiń sportshy 79.14 upai jinap, qarsylastaryn shań qaptyrdy.
Kúmis júlde aýstraliialyq Entoni Djakaranyń enshisinde (78.99 upai). Olimpiada chempiony Perrin Laffon 78.70 upaimen qola júlde iegeri atandy.
Erler arasynda jerlesimiz Pavel Kolmakov finaldyq kezeńge ótken bolatyn. Alaida, úzdik altylyqqa ene almai, álemdik syndy 16-orynmen aiaqtady.
Al Aiaýlym Ámirenova, Aleksandr Gebert jáne Sergei Romanovtar irikteýden ótken joq.
Eske sala keteiik, qurama kóshbasshylarynyń biri Dmitrii Reiherd jaraqatyna bailanysty álem chempionatynan syrt qaldy.
