Ystanbulda quiyndy daýyldan zardap shekkender arasynda qazaqstandyqtar joq. Bul týraly QR Syrtqy ister ministrliginen málim etti, dep habarlaidy QazAqparat.
«Alynǵan aqparat boiynsha daýyldy jeldiń beti qaitýda. Bizdiń azamattar boiynsha málimet túsken joq», - dedi syrtqy saiasat vedomstvosynyń baspasóz qyzmetinen.
Túrkiia Tótenshe jaǵdailar ministrliginiń deregine súiensek, tabiǵattyń tosyn minezinen 4 adam qaza boldy, 19 adam zardap shekti. Ajal qushqandar arasynda sheteldik 1 azamat bolǵan.
Eske salsaq, kúshti daýyl saldarynan Maltepede jáne Pendikte kemeler aialdaityn ailaqtar, birneshe qaiyq zaqymdaldy, aǵashtar qulady, ǵimarattardyń shatyrlary kókke ushty, trassalarda júk kólikteri aýdaryldy. Beilikdiýziý aýdanynda jeldiń jyldamdyǵy saǵatyna 129 shaqyrymdy qurady.
