Ystanbuldaǵy lak-boiaý zaýytynda jarylystan keiin jappai órt shyqty. Qazirgi ýaqytta izdestirý sharalary júrip jatyr, zardap shekkender bar, dep habarlaidy QazAqparat.
Órt sóndirý qyzmetiniń habarlaýynsha, jergilikti ýaqyt boiynsha saǵat 13.00-de Týzla Orhanly indýstrialdy aimaǵyndaǵy himiialyq zaýytta jarylys bolǵan. Osydan keiin qatty órt shyǵyp, tilsiz jaý basqa óndiris oryndaryna ótip, sol arqyly kásiporynnyń ainalasyna aitarlyqtai zalal keltirgen.
Kórshi alty ǵimarattaǵy tizbekti órtti órt sóndirýshiler bir saǵattan keiin aýyzdyqtady. Sebepteri anyqtalyp jatqan jarylys saldarynan úsh adam qaza taýyp, toǵyz jumysshy jaraqat aldy. Qutqarýshylar men meditsinalyq brigadalar adamdarǵa qajetti kómek kórsetýde. Politseiler zaýyt aýmaǵyn qorshaýǵa aldy, kriminologtar oqiǵanyń mán-jaiyn anyqtaýda.
Qazirgi kezde kásiporyn aýmaǵynan oqtyn-oqtyn jarylys dybystary estiledi, qalanyń birneshe aýdanynan qara tútin kórinedi. Adamdardy izdeý jáne órtti sóndirý jumystary jalǵasýda
