ىستانبۇلداعى لاك-بوياۋ زاۋىتىندا جارىلىستان كەيٸن جاپپاي ٶرت شىقتى. قازٸرگٸ ۋاقىتتا ٸزدەستٸرۋ شارالارى جٷرٸپ جاتىر, زارداپ شەككەندەر بار, دەپ حابارلايدى قازاقپارات.
ٶرت سٶندٸرۋ قىزمەتٸنٸڭ حابارلاۋىنشا, جەرگٸلٸكتٸ ۋاقىت بويىنشا ساعات 13.00-دە تۋزلا ورحانلى يندۋستريالدى ايماعىنداعى حيمييالىق زاۋىتتا جارىلىس بولعان. وسىدان كەيٸن قاتتى ٶرت شىعىپ, تٸلسٸز جاۋ باسقا ٶندٸرٸس ورىندارىنا ٶتٸپ, سول ارقىلى كەسٸپورىننىڭ اينالاسىنا ايتارلىقتاي زالال كەلتٸرگەن.
كٶرشٸ التى عيماراتتاعى تٸزبەكتٸ ٶرتتٸ ٶرت سٶندٸرۋشٸلەر بٸر ساعاتتان كەيٸن اۋىزدىقتادى. سەبەپتەرٸ انىقتالىپ جاتقان جارىلىس سالدارىنان ٷش ادام قازا تاۋىپ, توعىز جۇمىسشى جاراقات الدى. قۇتقارۋشىلار مەن مەديتسينالىق بريگادالار ادامدارعا قاجەتتٸ كٶمەك كٶرسەتۋدە. پوليتسەيلەر زاۋىت اۋماعىن قورشاۋعا الدى, كريمينولوگتار وقيعانىڭ مەن-جايىن انىقتاۋدا.
قازٸرگٸ كەزدە كەسٸپورىن اۋماعىنان وقتىن-وقتىن جارىلىس دىبىستارى ەستٸلەدٸ, قالانىڭ بٸرنەشە اۋدانىنان قارا تٷتٸن كٶرٸنەدٸ. ادامداردى ٸزدەۋ جەنە ٶرتتٸ سٶندٸرۋ جۇمىستارى جالعاسۋدا
