Dúisenbi kúni aýa raiynyń buzylýyna bailanysty Ystanbul áýejaiynda barlyq reis toqtatyldy, dep habarlaidy QazAqparat Anadoly agenttigine silteme jasap.
Áýe ailaǵy ákimshiliginiń málimdeýinshe, buǵan qalyń qar jaýýy sebep.
Al Mynet jańalyqtar portalynyń habarlaýynsha, respýblikalyq mańyzy bar avtojoldarda qalyń qardyń jaýýy men apattarǵa bailanysty keptelis týyndaǵan. Birneshe saǵatqa Ankara men Ystanbul arasyndaǵy jol, sonymen qatar Ystanbul áýejaiyna aparatyn kireberis joldary jabylǵan.
Qazirgi kezde qalyń qar jaýýynan soltústik-batys provintsiialarda, Mármár teńizi aýmaǵynda qalypty tirshilik pen kólik qatynasy buzylǵan. Onda birqatar aýdanda ortasha alǵanda 20-30 santimetr qar túsken. Sonymen qatar ortalyq provintsiialar men eldiń ońtústigine jaýyn-shashyn túsken. Kýrorttyq Antalia, Marmaris pen Bodrýmda qar jaýady delingen.
