Mekteptegi aqsha jinaý, muǵalimge syilyq berý máselesi ata-analar arasynda jii pikirtalas týdyratyny jasyryn emes. Osyǵan bailanysty Yrysbala Ikrambai da óz oiyn aityp, ata-analardy mundai máselede bir-birine qysym jasamaýǵa shaqyrdy, dep habarlaidy ult.kz.
Onyń aitýynsha, ustazǵa syilyq jasaý nemese jasamaý - ár ata-ananyń jeke tańdaýy. Sondyqtan bireýdiń syilyq berýge múmkindigi bolmaýy nemese oǵan qatysqysy kelmeýi ortaq chattaǵy túsinispeýshilikke, renishke nemese janjalǵa sebep bolmaýy kerek.
Yrysbala Ikrambai muǵalimderdiń negizgi mindeti - balalarǵa bilim berý ekenin atap ótti. Onyń sózinshe, ustaz óz jumysyn qandai da bir syilyq nemese qosymsha qarjy úshin emes, kásibi mindeti retinde atqarady.
"Beretiniń 25 myń bolsa, 5 myńyna tátti alyp, qalǵanyn aqshalai beremin. Ol da úiindegi bala-shaǵasyna shai, sútin kóterip barsyn. Gúl alyp bermei-aq. Olarǵa bermeseń de renjimeidi. Balańdy oqyta beredi. Ózimiz de merekede bir gúl bolsyn kútip otyramyz", - dedi ol.
Aita keteiik, Yrysbala Ikrambai ajyrasý týraly málimdemesimen eldi eleń etkizdi.
Yrysbala Ikrambai kim?
Yrysbala Ikrambai - qazaqstandyq bloger, qoǵam belsendisi jáne qaiyrymdylyq bastamalarymen tanylǵan tulǵa. Ol kópshilikke alǵash «Qalaýlym» telejobasyna qatysýy arqyly keńinen tanyla bastady. Keiin áleýmettik jelidegi belsendiligi artyp, turmys, otbasy, áielder men qoǵamdaǵy túrli máselelerge qatysty pikirin ashyq aityp júr.
Yrysbala Ikrambaidyń esimi qaiyrymdylyq jumystarymen de bailanysty. Ol muqtaj otbasylarǵa kómek kórsetý, baspana alýǵa járdemdesý sekildi bastamalardy uiymdastyryp, «Yrysty» qoǵamdyq qaiyrymdylyq qorynyń jumysyna atsalysqan. Onyń áleýmettik jelidegi paraqshalarynda muqtaj jandarǵa arnalǵan qarajat jinaý jáne baspana syilaý jónindegi jobalar jii jariialanǵan.
Bloger áleýmettik jelide tek qaiyrymdylyq taqyrybymen shektelmei, bala tárbiesi, otbasy qundylyqtary, erli-zaiyptylar arasyndaǵy qarym-qatynas, mekteptegi máseleler jáne qoǵamdaǵy ózekti jaǵdailar jóninde de oiyn bildiredi. Osy pikirleri arqyly ol jeli qoldanýshylary arasynda jii talqylanyp júr.
