مەكتەپتەگٸ اقشا جيناۋ, مۇعالٸمگە سىيلىق بەرۋ مەسەلەسٸ اتا-انالار اراسىندا جيٸ پٸكٸرتالاس تۋدىراتىنى جاسىرىن ەمەس. وسىعان بايلانىستى ىرىسبالا يكرامباي دا ٶز ويىن ايتىپ, اتا-انالاردى مۇنداي مەسەلەدە بٸر-بٸرٸنە قىسىم جاساماۋعا شاقىردى, دەپ حابارلايدى ult.kz.
ونىڭ ايتۋىنشا, ۇستازعا سىيلىق جاساۋ نەمەسە جاساماۋ - ەر اتا-انانىڭ جەكە تاڭداۋى. سوندىقتان بٸرەۋدٸڭ سىيلىق بەرۋگە مٷمكٸندٸگٸ بولماۋى نەمەسە وعان قاتىسقىسى كەلمەۋٸ ورتاق چاتتاعى تٷسٸنٸسپەۋشٸلٸككە, رەنٸشكە نەمەسە جانجالعا سەبەپ بولماۋى كەرەك.
ىرىسبالا يكرامباي مۇعالٸمدەردٸڭ نەگٸزگٸ مٸندەتٸ - بالالارعا بٸلٸم بەرۋ ەكەنٸن اتاپ ٶتتٸ. ونىڭ سٶزٸنشە, ۇستاز ٶز جۇمىسىن قانداي دا بٸر سىيلىق نەمەسە قوسىمشا قارجى ٷشٸن ەمەس, كەسٸبي مٸندەتٸ رەتٸندە اتقارادى.
"بەرەتٸنٸڭ 25 مىڭ بولسا, 5 مىڭىنا تەتتٸ الىپ, قالعانىن اقشالاي بەرەمٸن. ول دا ٷيٸندەگٸ بالا-شاعاسىنا شاي, سٷتٸن كٶتەرٸپ بارسىن. گٷل الىپ بەرمەي-اق. ولارعا بەرمەسەڭ دە رەنجٸمەيدٸ. بالاڭدى وقىتا بەرەدٸ. ٶزٸمٸز دە مەرەكەدە بٸر گٷل بولسىن كٷتٸپ وتىرامىز", - دەدٸ ول.
ايتا كەتەيٸك, ىرىسبالا يكرامباي اجىراسۋ تۋرالى مەلٸمدەمەسٸمەن ەلدٸ ەلەڭ ەتكٸزدٸ.
ىرىسبالا يكرامباي كٸم?
ىرىسبالا يكرامباي - قازاقستاندىق بلوگەر, قوعام بەلسەندٸسٸ جەنە قايىرىمدىلىق باستامالارىمەن تانىلعان تۇلعا. ول كٶپشٸلٸككە العاش «قالاۋلىم» تەلەجوباسىنا قاتىسۋى ارقىلى كەڭٸنەن تانىلا باستادى. كەيٸن ەلەۋمەتتٸك جەلٸدەگٸ بەلسەندٸلٸگٸ ارتىپ, تۇرمىس, وتباسى, ەيەلدەر مەن قوعامداعى تٷرلٸ مەسەلەلەرگە قاتىستى پٸكٸرٸن اشىق ايتىپ جٷر.
ىرىسبالا يكرامبايدىڭ ەسٸمٸ قايىرىمدىلىق جۇمىستارىمەن دە بايلانىستى. ول مۇقتاج وتباسىلارعا كٶمەك كٶرسەتۋ, باسپانا الۋعا جەردەمدەسۋ سەكٸلدٸ باستامالاردى ۇيىمداستىرىپ, «ىرىستى» قوعامدىق قايىرىمدىلىق قورىنىڭ جۇمىسىنا اتسالىسقان. ونىڭ ەلەۋمەتتٸك جەلٸدەگٸ پاراقشالارىندا مۇقتاج جاندارعا ارنالعان قاراجات جيناۋ جەنە باسپانا سىيلاۋ جٶنٸندەگٸ جوبالار جيٸ جارييالانعان.
بلوگەر ەلەۋمەتتٸك جەلٸدە تەك قايىرىمدىلىق تاقىرىبىمەن شەكتەلمەي, بالا تەربيەسٸ, وتباسى قۇندىلىقتارى, ەرلٸ-زايىپتىلار اراسىنداعى قارىم-قاتىناس, مەكتەپتەگٸ مەسەلەلەر جەنە قوعامداعى ٶزەكتٸ جاعدايلار جٶنٸندە دە ويىن بٸلدٸرەدٸ. وسى پٸكٸرلەرٸ ارقىلى ول جەلٸ قولدانۋشىلارى اراسىندا جيٸ تالقىلانىپ جٷر.
