YouTube jelisi tarihynda alǵash ret pikirge qoiylǵan laik sany millionnan asty. Set Everman esimdi qoldanýshynyń tanymal ánshi Billi Ailishtiń "bad guy" dep atalatyn ánine qaldyrǵan pikirine 1,2 million adam "unady" batyrmasyn basqan.
Áleýmettik jeli qoldanýshysy 5 aidai ýaqyt buryn án beinebaiany sońyna "men taqyrbas jigitpin» (bald guy) dep jazǵan. Al avataryna óziniń taqyrbas sýretin júktep qoiǵan. Beinebaiandy tamashalaǵandar Set Evermannyń shynaiy pikiri úshin laikty jaýdyrsa kerek?!
Set Everman videohosting basshylyǵyna twitter jelisi arqyly arnaiy marapat berýdi ótindi. Biraq áleýmettik jeli tarapynan jaýap berilgen joq. Jeli qoldanýshylary bolsa Settiń pikirine laiktaryn áli de toqtaýsyz basýda.
