15 tamyz kúni Almaty qalasynyń Ortalyq stadionynda YE kontserti ótedi. Kórermenderdiń qaýipsizdigi men jaily qatynaýyn qamtamasyz etý maqsatynda qalada jol qozǵalysyn uiymdastyrý jáne qoǵamdyq kóliktiń jumysyn kúsheitý boiynsha qosymsha sharalar qabyldanady, dep habarlaidy ult.kz.
Qaýipsizdik sharalaryn qamtamasyz etý maqsatynda saǵat 15:30-dan bastap Ortalyq stadion mańynda kólik qozǵalysyna kezeń-kezeńimen shekteý engiziledi. Sátbaev kóshesiniń Baitursynov kóshesinen Baizaqov kóshesine deiingi bóligi ýaqytsha jabylady.
Qaýipsizdik qyzmetteriniń sheshimimen stadionǵa jaqyn ornalasqan joldardyń jekelegen ýchaskeleri de ýaqytsha jabylýy múmkin. Bul rette Abai dańǵyly boiyndaǵy qoǵamdyq kólik qalypty rejimde qatynai beredi.
Kólik aǵyndaryn retteý jáne jol keptelisteriniń aldyn alý úshin oqiǵa ornynda Politsiia departamentiniń qyzmetkerleri kezekshilik atqarady.
Kontsert aiaqtalǵannan keiin kórermenderdi qalanyń alty baǵyty boiynsha 60 tegin shattl tasymaldaidy. Avtobýstar Ortalyq stadionnan Almaty Arenaǵa, «Alataý» metro stantsiiasyna (Raiymbek batyr aýdany), Almaty-1 temirjol vokzalyna, Orbita shaǵynaýdanyna, Juldyz shaǵynaýdanyna jáne Almaty halyqaralyq áýejaiyna qatynaidy.
Sondai-aq qoǵamdyq kólik pen metropolitenniń jumysy kúsheitiledi. «Baiqońyr» metro stantsiiasy saǵat 21:00-de jolaýshylar úshin jabylady. Kontsert qonaqtaryna «Abai» jáne «Muhtar Áýezov atyndaǵy teatr» metro stantsiialaryn paidalaný usynylady. Metronyń jumysy keminde saǵat 01:00-ge deiin, qajet bolǵan jaǵdaida 03:00-ge deiin uzartylady.
Almaty turǵyndary men qala qonaqtaryna marshrýttaryn aldyn ala josparlap, qozǵalysqa qoiylatyn ýaqytsha shekteýlerdi eskerip, múmkindiginshe qoǵamdyq kólikti paidalaný usynylady.
