15 تامىز كٷنٸ الماتى قالاسىنىڭ ورتالىق ستاديونىندا YE كونتسەرتٸ ٶتەدٸ. كٶرەرمەندەردٸڭ قاۋٸپسٸزدٸگٸ مەن جايلى قاتىناۋىن قامتاماسىز ەتۋ ماقساتىندا قالادا جول قوزعالىسىن ۇيىمداستىرۋ جەنە قوعامدىق كٶلٸكتٸڭ جۇمىسىن كٷشەيتۋ بويىنشا قوسىمشا شارالار قابىلدانادى, دەپ حابارلايدى ult.kz.
قاۋٸپسٸزدٸك شارالارىن قامتاماسىز ەتۋ ماقساتىندا ساعات 15:30-دان باستاپ ورتالىق ستاديون ماڭىندا كٶلٸك قوزعالىسىنا كەزەڭ-كەزەڭٸمەن شەكتەۋ ەنگٸزٸلەدٸ. سەتباەۆ كٶشەسٸنٸڭ بايتۇرسىنوۆ كٶشەسٸنەن بايزاقوۆ كٶشەسٸنە دەيٸنگٸ بٶلٸگٸ ۋاقىتشا جابىلادى.
قاۋٸپسٸزدٸك قىزمەتتەرٸنٸڭ شەشٸمٸمەن ستاديونعا جاقىن ورنالاسقان جولداردىڭ جەكەلەگەن ۋچاسكەلەرٸ دە ۋاقىتشا جابىلۋى مٷمكٸن. بۇل رەتتە اباي داڭعىلى بويىنداعى قوعامدىق كٶلٸك قالىپتى رەجيمدە قاتىناي بەرەدٸ.
كٶلٸك اعىندارىن رەتتەۋ جەنە جول كەپتەلٸستەرٸنٸڭ الدىن الۋ ٷشٸن وقيعا ورنىندا پوليتسييا دەپارتامەنتٸنٸڭ قىزمەتكەرلەرٸ كەزەكشٸلٸك اتقارادى.
كونتسەرت اياقتالعاننان كەيٸن كٶرەرمەندەردٸ قالانىڭ التى باعىتى بويىنشا 60 تەگٸن شاتتل تاسىمالدايدى. اۆتوبۋستار ورتالىق ستاديوننان الماتى ارەناعا, «الاتاۋ» مەترو ستانتسيياسىنا (رايىمبەك باتىر اۋدانى), الماتى-1 تەمٸرجول ۆوكزالىنا, وربيتا شاعىناۋدانىنا, جۇلدىز شاعىناۋدانىنا جەنە الماتى حالىقارالىق ەۋەجايىنا قاتىنايدى.
سونداي-اق قوعامدىق كٶلٸك پەن مەتروپوليتەننٸڭ جۇمىسى كٷشەيتٸلەدٸ. «بايقوڭىر» مەترو ستانتسيياسى ساعات 21:00-دە جولاۋشىلار ٷشٸن جابىلادى. كونتسەرت قوناقتارىنا «اباي» جەنە «مۇحتار ەۋەزوۆ اتىنداعى تەاتر» مەترو ستانتسييالارىن پايدالانۋ ۇسىنىلادى. مەترونىڭ جۇمىسى كەمٸندە ساعات 01:00-گە دەيٸن, قاجەت بولعان جاعدايدا 03:00-گە دەيٸن ۇزارتىلادى.
الماتى تۇرعىندارى مەن قالا قوناقتارىنا مارشرۋتتارىن الدىن الا جوسپارلاپ, قوزعالىسقا قويىلاتىن ۋاقىتشا شەكتەۋلەردٸ ەسكەرٸپ, مٷمكٸندٸگٸنشە قوعامدىق كٶلٸكتٸ پايدالانۋ ۇسىنىلادى.
