Foto: ©RIA Novosti
Básekelestikti qorǵaý jáne damytý agenttigi Iandeks.Taksige qatysty aqparatqa pikir bildirdi, - dep habarlaidy "Ult aqparat".
"Biyl 29 jeltoqsanda Almaty qalasynyń mamandandyrylǵan aýdanaralyq ákimshilik soty Almaty qalasy boiynsha BQDA departamentiniń 2022 jylǵy tekseriletin kezeń bóligindegi buiryǵynyń ishinara kúshin joiý týraly sheshimin jariialady. Sot bul sheshimdi tergeý bastalǵan 2022 jylǵy taldaýdyń bolmaýyna sebeptestirdi", - deidi vedomstvo ókilderi.
Sonymen qatar, Iandeks.Taksi úlesi Almaty qalasy boiynsha 2020 jyly – 83,78 paiyz, 2021 jyly – 84,34 paiyz, 2022 jyldyń birinshi jartyjyldyǵynda – 95,3 paiyz bolǵan. Astana qalasy boiynsha 2020 jyly úlesi 60,7 paiyz, 2021 jyly 67,3 paiyzdy quraǵan.
"Iandeks.Taksidiń búgingi jaǵdaiy onyń 2 jyl nemese odan da kóp ýaqyt ishinde turaqty ósýin kórsetedi. Bul naryqtaǵy jalpy jaǵdaidy baqylaýǵa jáne aitarlyqtai áser etýge múmkindik beredi.
Iandeks.Taksi komissiiasy QQS esebimen 17 paiyzdy quraidy, bul rette Iandeks.Taksi básekelesiniń naryqtaǵy eń joǵary komissiiasy - 12,5 paiyz. Sondyqtan Iandeks.Taksi komissiiasy naryqtaǵy eń joǵarǵy kórsetkishten 36 paiyzǵa kóp. Bul rette Almaty qalasy boiynsha básekelestiń úlesi 2020 jyly 0,6 paiyz, 2021 jyly 0,3 paiyz qurady", - delingen habarlamada.
Budan bólek, Iandeks.Taksiden basqa júrgizýshilerden 4 paiyzdan turatyn komissiiany seriktes taksoparkteri de alady. Al bul Qazaqstan Respýblikasynda jol júrý qunynyń jalpy qymbattaýyna ákelip soǵady.
"Sot óz sheshimin túsindirý kezinde Iandeks.Taksi tarapynan zańnamany buzý belgileri bary rastalǵanyn keltirip, ýákiletti organ tiisti taldaý júrgizilgennen keiin 2022 jylǵy qyzmeti úshin tergeý ashýǵa quqyly dedi.
Osyǵan bailanysty monopoliiaǵa qarsy organnyń tergeýi jalǵasatyn bolady. Búginde BQDA Iandeks.Taksidiń 2022 jyly monopoliialyq joǵary baǵalardy belgileý turǵysynan áreketterin taldap jatyr.
Osy rette Iandeks.Taksige qatysty tergeýdi bastaýǵa klientterdiń kompaniia belgilegen joǵary baǵaǵa, al júrgizýshilerdiń komissiia kólemimen kelispeitindikteri týraly kóptegen shaǵymdar negiz bolǵanyn eske salý qajet", dep málimdedi vedomstvonyń baspasóz qyzmeti.
