فوتو: ©ريا نوۆوستي
بەسەكەلەستٸكتٸ قورعاۋ جەنە دامىتۋ اگەنتتٸگٸ ياندەكس.تاكسيگە قاتىستى اقپاراتقا پٸكٸر بٸلدٸردٸ, - دەپ حابارلايدى "ۇلت اقپارات".
"بيىل 29 جەلتوقساندا الماتى قالاسىنىڭ مامانداندىرىلعان اۋدانارالىق ەكٸمشٸلٸك سوتى الماتى قالاسى بويىنشا بقدا دەپارتامەنتٸنٸڭ 2022 جىلعى تەكسەرٸلەتٸن كەزەڭ بٶلٸگٸندەگٸ بۇيرىعىنىڭ ٸشٸنارا كٷشٸن جويۋ تۋرالى شەشٸمٸن جارييالادى. سوت بۇل شەشٸمدٸ تەرگەۋ باستالعان 2022 جىلعى تالداۋدىڭ بولماۋىنا سەبەپتەستٸردٸ", - دەيدٸ ۆەدومستۆو ٶكٸلدەرٸ.
سونىمەن قاتار, ياندەكس.تاكسي ٷلەسٸ الماتى قالاسى بويىنشا 2020 جىلى – 83,78 پايىز, 2021 جىلى – 84,34 پايىز, 2022 جىلدىڭ بٸرٸنشٸ جارتىجىلدىعىندا – 95,3 پايىز بولعان. استانا قالاسى بويىنشا 2020 جىلى ٷلەسٸ 60,7 پايىز, 2021 جىلى 67,3 پايىزدى قۇراعان.
"ياندەكس.تاكسيدٸڭ بٷگٸنگٸ جاعدايى ونىڭ 2 جىل نەمەسە ودان دا كٶپ ۋاقىت ٸشٸندە تۇراقتى ٶسۋٸن كٶرسەتەدٸ. بۇل نارىقتاعى جالپى جاعدايدى باقىلاۋعا جەنە ايتارلىقتاي ەسەر ەتۋگە مٷمكٸندٸك بەرەدٸ.
ياندەكس.تاكسي كوميسسيياسى ققس ەسەبٸمەن 17 پايىزدى قۇرايدى, بۇل رەتتە ياندەكس.تاكسي بەسەكەلەسٸنٸڭ نارىقتاعى ەڭ جوعارى كوميسسيياسى - 12,5 پايىز. سوندىقتان ياندەكس.تاكسي كوميسسيياسى نارىقتاعى ەڭ جوعارعى كٶرسەتكٸشتەن 36 پايىزعا كٶپ. بۇل رەتتە الماتى قالاسى بويىنشا بەسەكەلەستٸڭ ٷلەسٸ 2020 جىلى 0,6 پايىز, 2021 جىلى 0,3 پايىز قۇرادى", - دەلٸنگەن حابارلامادا.
بۇدان بٶلەك, ياندەكس.تاكسيدەن باسقا جٷرگٸزۋشٸلەردەن 4 پايىزدان تۇراتىن كوميسسييانى سەرٸكتەس تاكسوپاركتەرٸ دە الادى. ال بۇل قازاقستان رەسپۋبليكاسىندا جول جٷرۋ قۇنىنىڭ جالپى قىمباتتاۋىنا ەكەلٸپ سوعادى.
"سوت ٶز شەشٸمٸن تٷسٸندٸرۋ كەزٸندە ياندەكس.تاكسي تاراپىنان زاڭنامانى بۇزۋ بەلگٸلەرٸ بارى راستالعانىن كەلتٸرٸپ, ۋەكٸلەتتٸ ورگان تيٸستٸ تالداۋ جٷرگٸزٸلگەننەن كەيٸن 2022 جىلعى قىزمەتٸ ٷشٸن تەرگەۋ اشۋعا قۇقىلى دەدٸ.
وسىعان بايلانىستى مونوپوليياعا قارسى ورگاننىڭ تەرگەۋٸ جالعاساتىن بولادى. بٷگٸندە بقدا ياندەكس.تاكسيدٸڭ 2022 جىلى مونوپولييالىق جوعارى باعالاردى بەلگٸلەۋ تۇرعىسىنان ەرەكەتتەرٸن تالداپ جاتىر.
وسى رەتتە ياندەكس.تاكسيگە قاتىستى تەرگەۋدٸ باستاۋعا كليەنتتەردٸڭ كومپانييا بەلگٸلەگەن جوعارى باعاعا, ال جٷرگٸزۋشٸلەردٸڭ كوميسسييا كٶلەمٸمەن كەلٸسپەيتٸندٸكتەرٸ تۋرالى كٶپتەگەن شاعىمدار نەگٸز بولعانىن ەسكە سالۋ قاجەت", دەپ مەلٸمدەدٸ ۆەدومستۆونىڭ باسپاسٶز قىزمەتٸ.
