Foto: Básekelestikti qorǵaý jáne damytý agenttigi
Qazaqstan Respýblikasy Básekelestikti qorǵaý jáne damytý agenttiginde taksi shaqyrýǵa arnalǵan apparattyq-baǵdarlamalyq keshendi jáne (nemese) mobildi qosymshany paidalana otyryp kórsetiletin taksi qyzmetteri naryǵyn qadaǵalaý jónindegi monitoring tobynyń kezekti otyrysy ótti, dep agenttiktiń habarlaidy baspasóz qyzmeti.
Otyrysta Agenttik, Tsifrlyq damý, innovatsiialar jáne aeroǵarysh ónerkásibi ministrligi, sondai-aq sarapshylardyń qatysýymen júrgizilgen Iandeks Taksi algoritmdik baǵa belgileý tiimdiliginiń aýditi nátijeleri qaraldy. Eske sala keteiik, bul aýditten ótý mindettemesi antimonopoliialyq komplaens aiasynda Iandeks Taksi kompaniiasyna júktelgen bolatyn.
Aýdittiń maqsaty — Iandeks servisin, sonyń ishinde taksi qyzmetteriniń baǵasyna áser etetin sharttar men parametrlerdi zerdeleý boldy.
— Alǵashqy aýdit nátijeleri boiynsha baǵa belgileý júiesine áser etýi múmkin birqatar táýekelder anyqtaldy. Atap aitqanda: qala shekarasy men ákimshilik-aýmaqtyq shekaranyń sáikes kelmeýi, baǵanyń baǵaǵa qatysy joq komponentter arqyly artýy, qosymshada tolyq baǵa esepteý aqparatynyń bolmaýy, áýejaida jolaýshylardy ornalasqan jeri boiynsha «kemsitý» jáne basqa da jaittar, — delingen habarlamada.
Keibir táýekelder joiyldy, al keibiri boiynsha Iandeks olardy joiý jóninde mindettemeler qabyldady. Máselen, Agenttiktiń habarlamasy negizinde paidalanýshylarǵa arnalǵan adaldyq baǵdarlamasynyń (Iandeks+ baǵdarlamasy) erejeleri ózgertildi. Ózgerister nátijesinde Iandeks bul baǵdarlama boiynsha (klientterge usynylatyn jeńildikter) barlyq shyǵyndardy óz moinyna aldy.
Sondai-aq Iandekstiń qoldanystaǵy komplaensine antimonopoliialyq zańnamany buzýǵa, suranystyń artýy kezinde taksi qyzmetteriniń baǵasynyń negizsiz ósýine, sondai-aq júrgizýshilerdiń tabysynyń tómendeýine jol bermeýge baǵyttalǵan sharalar keshenin iske asyrý jónindegi mindettemeler engizildi.
Otyrys barysynda Agenttikke kelip túsken ótinishter negizinde qalyptastyrylǵan Iandeks.Taksi júrgizýshileriniń problemalyq máseleleri de qaraldy.
Sonymen qatar Iandeks.Taksi ókilderiniń 2025 jyldyń I toqsanyndaǵy antimonopoliialyq komplaens talaptaryn saqtaý jónindegi esebi tyńdaldy.
Eske sala keteiik, buǵan deiin Qazaqstan biligi Iandeks Taksige qandai talap qoiǵanyn jazǵan bolatynbyz.
