Iakýtiianyń 12 aýdanynda orman órti qaýip tóndirip tur. Onda qazir 906 myń ga orman órtenip jatyr. Bul týraly jýrnalisterge Reseidiń óńir boiynsha TJM MB málim etken, dep habarlaidy TASS agenttigi.
«Qaýipti jaǵdai Aldansii, Gornyi, Jiganskii, Kobiaiskii, Mirninskii, Neriýngrinskii, Olekminskii, Oimiakonskii, Ýst-Maiskii, Tomponskii, Hangalasskii jáne Sýntarskii aýdandarynda saqtalýda. Bul aýmaqta 266 órt oshaǵy tirkelgen. Órt aýdany 906 myń gektarǵa jetip otyr», - dedi qutqarýshylardyń baspasóz qyzmetinde.
Áýe ormandy saqshylarynyń sońǵy derekteri boiynsha, qazirgi kezde óńir aýmaǵynda 323 tabiǵi órt janýda, táýlik ishinde 19-y aýyzdyqtaldy, órtti sóndirýge 2 749 adam jáne 362 tehnika birligi jumyldyrylǵan. Qutqarýshylar negizgi kúshterin eldi mekenderdi tabiǵi órttiń saldarynan qorǵaýǵa baǵyttady. Órttiń úzdiksiz monitoringi júrgizilip otyr.
«Bir táýlik ishinde órt sany 17 oshaqqa kóbeidi, órttiń ósýi, naizaǵai fronttarynan ótýi, sonymen qatar 13 aýdannyń aýmaǵynda 4-5 klastyq órt qaýpiniń saqtalýymen bailanysty tabiǵi órttiń aýdany 135 myńnan asa gektarǵa ósti», - dedi TJM Iakýtsk bas basqarmasynyń bastyǵy Pavel Garin.
Jazdyń basynan beri Reseide orman órti kúndelikti Iakýtiia jerinde tirkelýde. Óńirdegi barlyq ormandardyń aýdany – 256,1 mln ga (sýbekt aýmaǵynyń 83,4%-y). 2020 jyly orman órti bolǵan aýdan 6 mln gektarǵa kóbeidi. Qazir Iakýtiiada orman órtterinen tótenshe jaǵdai rejimi engizilgen. 1 shildeden bastap órt qaýipsizdigin qamtamasyz etý maqsatymen adamdar men transporttyq quraldardyń ormandarǵa kelýi, ormandarda belgili bir jumystardyń júrgizilýi shekteldi.
