Moldovalyq sportshy-ekstremal Iakýtiianyń Oimiakonsk ulysynda minýs 60 gradýs aiazda 50 shaqyrym qashyqtyqty júgirip ótti, dep habarlaidy TASS.
«14 qańtarda moldovalyq sportshy-ekstremal Dmitrii Voloshinniń qaiyrymdylyq júgirýi bolyp ótti. Ol álemniń eń sýyq núktesinde - Iakýtiianyń Oimiakonsk ulysynda júgirdi. Dmitrii 60 gradýs aiazda 50 shaqyrym qashyqtyqty baǵyndyrdy. Meteorologiialyq derekterge sáikes, seziletin temperatýra 67 gradýsty qurady», - delingen habarlamada.
Voloshin bul qashyqtyqty alty saǵatta artqa tastaǵan.
«Bul meniń sporttyq mansabymdaǵy eń qiyn synaq boldy. Qatty aiazdan aýa jetpei qaldy. Júgirgen kezinde betimdi úsik shalǵan joq degen úmittemin. Demalýym da qiynǵa soqty - aýada ottegi óte az boldy, al maskaǵa muz qatyp qaldy», - deidi sportshy.
Qaiyrymdylyq jobasynyń basty maqsaty - balalardyń tserebaldy sal aýrýyna jurtshylyqtyń nazaryn aýdarý.
