Almatynyń Medeý aýdanynda «Halyq qatysatyn biýdjet» baǵdarlamasy aiasynda jer bederi kúrdeli ýchaskelerdegi júrginshi baǵyttary kóriktendirildi.
Jer bederiniń ereksheligi eskerilip, turǵyndardyń qaýipsiz ári qolaily júrip-turýyna erekshe nazar aýdaryldy. Biiktik deńgeii árkelki aýmaqtardaǵy ózdiginen paida bolǵan soqpaqtardyń ornyna kórkeitilgen baspaldaqtar salyndy.
Jańa baspaldaqtar Sulýsai shaǵynaýdanynda, ál-Farabi dańǵylynda jáne Roza Baǵlanova kóshesinde ornatyldy. Atap aitqanda, Sulýsai shaǵynaýdanynda uzyndyǵy 120 metr metall baspaldaq salyndy, ál-Farabi dańǵylynda eki jaǵynan jalpy uzyndyǵy 200 metr bolatyn baspaldaqtar ornatyldy, al Roza Baǵlanova kóshesinde shamamen 40 metr baspaldaq jasaldy.
Sonymen qatar joba aiasynda Shyǵys ainalma avtomobil jolynyń boiyndaǵy jáne Shyǵys ainalma avtomobil joly men Divaev kóshesiniń qiylysyndaǵy qoldanystaǵy baspaldaqtar jóndeldi.
Barlyq jumys aiaqtaldy. Kórkeitilgen baspaldaqtar Medeý aýdany turǵyndarynyń kúndelikti júrip-turýyn, ásirese biiktik aiyrmasy aiqyn ýchaskelerde, barynsha qolaily ári qaýipsiz etedi.
Jalpy Medeý aýdanynda «Halyq qatysatyn biýdjet» jobasyn iske asyrý aiasynda qalalyq ortany kóriktendirý men damytýǵa baǵyttalǵan 30 joba qarastyrylǵan. Onyń ishinde avtomatty sýarý júiesin ornatý arqyly kógaldandyrý boiynsha 16 joba, qoǵamdyq keńistikterdi kórkeitý boiynsha 8 joba jáne aýla aýmaqtaryn jóndeý boiynsha 6 joba bar.
Foto: Almaty qalasy ákimdiginiń baspasóz qyzmeti
