2020 jyly Qazaqstan 19,8 myń tonna ýran óndirgen. Bul - byltyr álemde óndirilgen ýrannyń shamamen 41 paiyzy, dep habarlady Dúniejúzilik iadro qaýymdastyǵy (WNA).
Ýran óndirisi boiynsha Avstraliia ekinshi orynǵa shyqqan, byltyr bul elde 6,2 myń tonna ýran óndirilgen. Úshinshi orynda – Namibiia (5,41 myń tonna), tórtinshi orynda Kanada (3,88 myń tonna) tur. Ózbekstan besinshi oryn aldy (3,5 myń tonna).
WNA málimeti boiynsha, 2012 jyldan beri Qazaqstannyń ýran óndirisi 21 myń tonnaǵa artyp, 2016 jyly 24,6 myń tonnaǵa jetken. WNA málimetinshe, 2019 jyly álemde óndirilgen ýrannyń 85 paiyzy 10 iri kompaniiaǵa tiesili, olardyń arasynda "Qazatomprom" da bar.
Qazaqstannyń ýran qory - 907 myń tonna (álemdegi qordyń 15 paiyzy). Shikizat negizinen Qytaiǵa, Resei men Kanadaǵa eksporttalady.
2020 jyly álem naryǵynda ýranǵa suranys koronavirýs pandemiiasyna bailanysty tómendegen. Soǵan bailanysty Qazaqstan ýran óndirisi kólemin eki jyl azaita turýdy usynǵan.
