WhatsApp messendjerinde basqa paidalanýshylar jibergen fotosýret, beinejazba jáne aýdiofaildy jasyrýǵa múmkindik beretin jańa fýnktsiia paida bolady, - dep habarlaidy Tengrinews.kz Vesti.Hi-tech portalyna silteme jasap.
Qosymshanyń kelesi nusqasynda qurylǵy kelgen fotosýretterdi avtomatty túrde jadyna saqtaý fýnktsiiasyn óshirýge bolady. Jańa engizilgen qosymsha qazir Android v2.18.195 beta nusqasynda jumys isteidi.
Qoldanýshy toptardan kelgen habarlamany baqylaýda ustai alady. Qyzmetti ornatý tetigi arqyly ózine kerek toptardyń ǵana jibergenin galereiasyna saqtaýǵa múmkindik bar.
Jańa nusqa smartfonnyń jady kólemin únemdeýge kómektesedi jáne ol paidalanýshy jeke mazmundy kontent jiberip, qabyldaityn bolsa paidaly. Mysaly, bireýden jeke, kórýge bolmaityn sýret kelip, ol telefon jadynda saqtalyp qalsa, smartfondy qolyna alǵan basqa adam sol sýretterge qol jetkizýi múmkin.
WhatsApp-tyń (2.18.189) beta bóligi Facebook messendjeri sekildi habarlamaǵa reaktsiia retinde japsyrmalar qaldyrý múmkindigin alady. Pernetaqtada japsyrmalar animatsiialyq GIF keskinin jiberý úshin qoldanatyn tetiktiń janynda onalasqan.
Bul fýnktsiialardyń qashan kópshilikke taralatyny jaily aqparat joq.
