Qazaqstandyq boksshy birinshi orta salmaqta WBC (USNBC) chempiony Madiiar Áshkeev (14-0, 7 KO) 17 jeltoqsanda AQSh-tyń Kaliforniia shtatyndaǵy Los-Andjeleste ringke shyǵady, dep habarlaidy Sports.kz saity.
Ol esh jeńilip kórmegen amerikalyq Charlz Konýellmen (13-0, 10 KO) judyryqtasady. Aiqas Freddi Roýchtyń Wild Card Boxing zalynda ótetin boks keshiniń basty oqiǵasy bolmaq. Jekpe-jek formaty – on raýnd.
Aita keteiik, Áshkeev pen Konýell sharshy alańǵa 10 sáýirde shyǵýdy josparlaǵan bolatyn, biraq koronavirýs pandemiiasyna bailanysty boks keshi toqtatyldy.
Madiiar Áshkeev óziniń sońǵy jekpe-jegin 2019 jyldyń 9 qarashasynda Amerikanyń Gavaian Gardens qalasynda ótkizdi. Onda ol josparlanǵan segiz raýndtyń besinshi raýndynda argentinalyq Rodolfo Ezikvel Martinesti (44-9-3, 16 KO) jeńdi. Konýellge keletin bolsaq, jaqynda óner kórsetti. 7 qazanda Ankasvillde ol otandasy Vendi Týssandy (12-1, 5 KO) nokaýtqa jiberdi.
