Búkilálemdik boks keńesi (WBC) meksikalyq boksshy Saýl «Kanelo» Alvaresti orta salmaqtaǵy boksshylardyń mamyr aiyndaǵy reitingine kirgizbedi, dep habarlaidy «SPORTINFORM» SAA.
Meksikalyq boksshynyń tizimnen tys qalýyna doping daýyna bailanysty alty aiǵa sporttan shettetilýi jáne WBC men VADA-nyń «Taza boks» birlesken baǵdarlamasyna kirmeýi sebep boldy.
WBC tujyrymynyń orta salmaqtaǵy álem chempiony - qazaqstandyq bylǵary qolǵap sheberi Gennadii Golovkin, al ýaqytsha chempiondyq (Interim) AQSh ókili Djermall Charloǵa tiesili.
Tizimniń birinshi ornyn Deniel Djeikobs (AQSh) ielense, ekinshi orynda Amerikanyń taǵy bir ókili Demetriýs Andadre, al úshinshi satyda irlandiialyq Djeison Kýigli tur. Kanadalyq David Leme men polshalyq boksshy Kamil Sheremeta úzdikter bestigin túiindedi.
