WBC nusqasy boiynsha orta salmaqtaǵy álem chempiony Djermall Charlo Gennadii Golovkinniń Sergei Derevianchenkony jeńýine bailanysty pikir aityp, GGG-men jekpe-jekke shyǵýǵa niet bildirdi, dep habarlaidy "Ult aqparat" Sports.kz-ke silteme jasap.
Aita ketken jón, 7 jeltoqsanda Niý-Iorktegi Barclays Center arenasynda Charlo irlandiialyq Dennis Hoganmen judyryqtasatyn bolady.
«Men GGG-diń sońǵy jekpe-jegi jaily ne aita alamyn? Jaqsy aiqas boldy. Golovkin – ańyz, ol keremet boksshy. Men qýana-qýana onymen ringke shyǵar edim. Sondai-aq ol únemi shabýyl jasaityn boksshy. Stilder jekpe-jekke arqaý bolady jáne onyń stili menikimen uqsas. Bul naǵyz aiqas bolmaq. Biz onymen 12 raýndtyń barlyǵyn ótkizer edik dep oilaimyn, árine ol shydai almasa, qulaidy. Men úzdiktermen ǵana judyryqtasqym keledi. Meili, «Kanelo», Kovalev, Golovkin nemese Djeikobs bolsyn», - dedi Djermall amerikalyq jýrnalistermen áńgime barysynda.
